ദേവിയുടെ മാത്രം…. [AK] 304

 

!!!!!!!!!!!!!!!!!!!!!!!!!!!!!!!!!!!!

 

“ഏട്ടാ… ന്തിനാ കരയണേ..”

പാറുവിന്റെ ശബ്ദമായിരുന്നു അവനെ ഉണർത്തിയത്…

 

“കരയെ… കണ്ണിൽ വല്ലോം പോയിക്കാണും…”

 

“നല്ല ആളാ….കണ്ണടച്ചിരുന്നാൽ കണ്ണിൽ ന്താ പോവാ…”

അവളുടെ ചോദ്യം അവനെ ചെറുതായൊന്നു കുഴക്കിയിരുന്നു…

 

“ഇരുന്ന് ഉരുകണ്ട… പിന്നെ… അവരിന്നു ഷൂട്ടിംഗ് കഴിഞ്ഞ് പോവും…  “

 

“നമുക്കൊന്നൂടെ പോയി കണ്ടാലോ…”

അവൻ ചോദിച്ചപ്പോൾ അവൾ ഒന്ന് ചിരിച്ചു…

 

“ഏട്ടാ… ദേവിയെ നമുക്ക് കൂടെ കൂട്ടിയാലോ…”

 

“നീയെന്താ പറേണെ… വാ.. കാടു കേറണ്ട…”

നീരസം നടിച്ചു കൊണ്ട് അവൻ അവളുമായി അപ്പുറത്തേക്ക് നടന്നു..

 

അവിടെ സിനിമയിലെ പ്രധാനപ്പെട്ട ഒരു സീൻ ഷൂട്ട്‌ ചെയ്യുന്ന തിരക്കിലായിരുന്നു…

 

ഡയറക്ടറുടെ അസന്തുഷ്ടി അയാളുടെ വാക്കുകളിൽ പ്രകടമായിരുന്നു…

 

“മാഡം… ഇതെത്രാമത്തെ തവണയാണ്… ഇപ്രാവശ്യമെങ്കിലും അതൊന്നു ശരിയാക്കൂ…

എടൊ ആ ഡയലോഗ് പറഞ്ഞു കൊട്..”

തല ചൊറിഞ്ഞതിന് ശേഷം കഷണ്ടിത്തല അയാൾ വട്ടതൊപ്പി വെച്ച് മറച്ചു…

 

കുറച്ചു നേരത്തിനു ശേഷം അവൾ സീനിനു തയ്യാറായി…..അത്‌ കാമുകി കാമുകനോട് പറയുന്നതായുള്ള ഒരു ഡയലോഗ് ആയിരുന്നു…

 

“അറിഞ്ഞോ അറിയാതെയോ ഒരുപാട് തെറ്റുകൾ ഞാൻ ചെയ്തുപോയി… എന്നോട് ക്ഷമിക്കൂ…നിന്നിലുമധികം ഞാൻ മറ്റൊന്നിനെയും സ്നേഹിച്ചിട്ടില്ല… നീയാണെന്റെ ശ്വാസം പോലും.. ഞാൻ നിന്റെ സുന്ദരിക്കുട്ടിയല്ലേ… ദേവേട്ടന്റെ സുന്ദരിക്കുട്ടി… ദേവേട്ടന്റെ മാത്രം ദേവി… “