ദേവിയുടെ മാത്രം…. [AK] 304

ഒരാൾ പോലീസുകാരനോട് പറഞ്ഞപ്പോൾ അതൊരു ഞെട്ടലായിരുന്നു തന്നിലുണ്ടാക്കിയത്…

 

“അല്ല സാർ…”

അവശതയോടെ അവനത് പറയുമ്പോൾ കവിളത്തുതന്നെ കനത്തിൽ ഒരടി വീണിരുന്നു…

 

“കള്ളം പറയുന്നോ നായെ…”

 

“നിർത്തേടോ… അവൻ പറയണത് കേൾക്കട്ടെ…”

 

“അത്‌ സർ….”

പോലീസുകാരന്റെ നോട്ടത്തിൽ ബാക്കിപറയാൻ അയാൾക്കായില്ല…

 

“നീ പറയെടാ…”

 

“സർ… ഞാനും ദേവിയും ഇഷ്ടത്തിലാണ്..”

 

“ആരാണീ ദേവീ..”

 

“എന്റെ മോളാണ് സർ…”

 

“അവളെ വിളിക്കൂ..”

 

ഒട്ടും താമസമില്ലാതെ അവളെ അയാൾ വിളിച്ചിരുന്നു… വിറച്ചുകൊണ്ട്… ഈറനണിഞ്ഞ കണ്ണുകളുമായി അവളിറങ്ങി വന്നു…

 

“മോളെ… മോൾക്കിവനെ അറിയോ…”

കെട്ടിയിട്ട ദേവനെ നോക്കിക്കൊണ്ടായിരുന്നു ഇൻസ്‌പെക്ടർ ചോദിച്ചത്….

 

നിറഞ്ഞ കണ്ണുകൾ കൊണ്ട് അവളവനെയൊന്ന് നോക്കി…

 

“മോളെ… സർ പറഞ്ഞത് കേട്ടോ..”

ശ്രീധരവർമ അവളോട് ചോദിച്ചു..

 

“ഹ്മ്മ്…”

 

“എന്നാ പറ…”

 

“എനിക്കറിയില്ല…”