ദീപങ്ങൾ സാക്ഷി  ഈ ഭാഗത്തോടെ അവസാനിക്കുകയാണ്…ഓരോ ഭാഗങ്ങളും എഴുതാൻ പ്രോത്സാഹിപ്പിച്ച നന്മനിറഞ്ഞ ഓരോ പ്രിയ കൂട്ടുകാർക്കും എന്റെ ഹൃദയം നിറഞ്ഞ നന്ദി.

ആദ്യമായാണ് ഇത്തരത്തിൽ ഒരു കഥ എഴുതുന്നത്… ഒത്തിരി കുറ്റങ്ങളും കുറവുകളും ഉണ്ടാവും.. പ്രതേകിച്ചു ഈ ഭാഗത്തിന് ദയവായി അതെല്ലാം ക്ഷമിക്കണം എന്ന് അപേക്ഷിക്കുന്നു.

ദീപങ്ങൾ സാക്ഷിയുടെ ഓരോ ഭാഗത്തിന് വേണ്ടി ക്ഷമയോടെ കാത്തിരുന്ന ഓരോ കൂട്ടുകാർക്കും പ്രതേകം നന്ദി അർപ്പിക്കുന്നു…

സ്നേഹത്തോടെ

കിംഗ് ലയർ

          >>>>>>>>>>>>>>⭕️<<<<<<<<<<<<<<<

ദീപങ്ങൾ സാക്ഷി 8

Deepangal sakshi  8| Author : MR. കിംഗ് ലയർ

         >>>>>>>>>>>>>>⭕️<<<<<<<<<<<<<<<

തുടരുന്നു………

അച്ഛൻ പറഞ്ഞത് കേട്ട് നിൽക്കാൻ മാത്രം എനിക്ക് ആയുള്ളൂ… ഇത്രയും നാൾ അമ്മ വെറുത്തത് അറപ്പോടെ നോക്കിയത് ആ വയറ്റിൽ പിറന്ന എന്നെ ആയിരുന്നു… ഒരു നൂറായിരം പ്രാവശ്യം അമ്മ എന്നെ പിഴച്ചുണ്ടായവൻ എന്ന് വിളിച്ചിട്ടുണ്ട്…

ഈ കാലയളവിലെ ചിത്രങ്ങൾ മനസിലേക്ക് ഓടി എത്തുമ്പോൾ ഹൃദയം നുറുങ്ങുന്ന വേദന ആണ് എനിക്ക് അനുഭവപെട്ടത്…

മിഴികൾ നിറഞ്ഞു കാഴ്ച മങ്ങി തുടങ്ങിയപ്പോൾ ഞാൻ ആരെയും ശ്രദ്ധിക്കാതെ റൂമിലേക്ക് നടന്നു…

ഇവിടെ ഇത്രയും പ്രശനങ്ങൾ സംഭവിച്ചിട്ടും അച്ഛൻ പറയുന്ന ഞെട്ടിക്കുന്ന കാര്യങ്ങൾ കേട്ട് പൊട്ടി വന്ന കരച്ചിൽ കടിച്ചുപിടിച്ചു ഭിത്തിയോട് ചേർന്നു നിൽക്കുന്ന ചേച്ചിയെ മറ്റാരും ശ്രദ്ധിച്ചില്ലങ്കിലും ഞാൻ ശ്രദ്ധിച്ചിരുന്നു 

ജനലിലൂടെ പുറത്തേക്ക് നോക്കി നിൽകുമ്പോൾ ആണ് എന്റെ ചുമലിൽ ഒരു കരസ്പർശം ഞാൻ അറിഞ്ഞത്… തിരിഞ്ഞു നോക്കുമ്പോൾ കണ്ടത് എന്നോട് ചേർന്ന് നിൽക്കുന്ന എന്റെ അല്ലിയെ..

അവളുടെ മാറിൽ മുഖം അമർത്തി കരഞ്ഞു… അവൾ പലതും പറഞ്ഞു എന്നെ അശ്വസിപ്പിക്കാൻ ശ്രമിക്കുന്നുണ്ട് പക്ഷെ എന്റെ ഉള്ളിലെ തീ അതുകൊണ്ട് അണയില്ലായിരുന്നു.

“””ആദീ… “”””

കരയുന്ന പോലെ അല്ലിയുടെ വിളികേട്ട് മുഖം ഉയർത്തി നോക്കിയപ്പോൾ കണ്ടത്… വേദന നിറഞ്ഞ മുഖവും നീരുറവ നിറയുന്ന മിഴികളും  ഒപ്പം അവൾ ശക്തിയിൽ വയറിൽ അമർത്തി പിടിച്ചിട്ടും ഉണ്ട്

“””അല്ലി… “””