◆◆◆◆◆◆◆◆◆◆◆◆◆◆◆◆◆◆◆◆◆◆◆◆

ദക്ഷാർജ്ജുനം – 10

Author : Smera Lakshmi | Previous Part

◆◆◆◆◆◆◆◆◆◆◆◆◆◆◆◆◆◆◆◆◆◆◆◆

മാളികപ്പുരയ്ക്കലെത്തിയ മൂന്നുപേർക്കും ഒരു ഉത്സാഹമുണ്ടായിരുന്നില്ല.എങ്ങനെ ഒക്കെയോ കഴിച്ചെന്നു വരുത്തി അവർ മൂന്നുപേരും ദേവാനന്ദിന്റെ മുറിയുടെ പുറത്തു ബാൽക്കണിയിൽ വന്നിരുന്നു.വേദ എന്തൊക്കെയോ ചോദിക്കുന്നുണ്ടെങ്കിലും അതിനൊക്കെ മറുപടി ഓരോ മൂളലിൽ ഒതുക്കി.

“അപ്പോഴും ആയില്യംക്കാവിൽ നിന്നും കേട്ട ആ തേങ്ങിക്കരച്ചിൽ അവരുടെ ചെവിയിൽ അലയടിക്കുണ്ടായിരുന്നു.”

“സ്നേഹിച്ചു മതിയായിട്ടില്ല എനിക്ക് ന്റെ അർജ്ജുനേട്ടനെ.ഇനിയും ഒരു ജന്മമുണ്ടെങ്കിൽ എന്റെ അർജ്ജുനേട്ടനെ എനിക്ക് തിരികെ തരാൻ ദൈവങ്ങളോട് പ്രാർത്ഥിക്കണേ മുത്തശ്ശ….”

പെട്ടന്നവൻ ഞെട്ടിയുണർന്നു.

DA 10

 

“അപ്പോഴും അവന്റെ കാതുകളിൽ ആ തേങ്ങി കരച്ചിലുയർന്നു.”

 

ആനന്ദ് പതിയെ  എണീറ്റിരുന്നു.

 

“അപ്പോൾ തന്നെയും നോക്കി അടുത്തിരിക്കുന്ന വൈദുവിനെ കണ്ട് ആനന്ദ് ഒന്നു ഞെട്ടി.”

 

എന്താടാ നീ ഇങ്ങനെ തുറിച്ചു നോക്കുന്നത്…. ഞാൻ പേടിച്ചുപോയി.നമ്മൾ ഇന്നലെ ഇവിടെയാണോ കിടന്നത്?

“വേദ എവിടെ?”

അവൻ ചുറ്റും നോക്കിക്കൊണ്ട് വൈദുവിനോട്‌ ചോദിച്ചു.