തെരുവിന്റെ മകൻ 10

Theruvinte Makan Part 9 | Author : Nafu | Previous Part

 

അപ്പു എഴുന്നേറ്റിട്ട് വേണം… ഇനി എനിക്ക് അവനെയും കൊണ്ട് ബാംഗ്ലൂരിലേക്ക് പോകാൻ…

അവിടെ എന്താണ് സഞ്ജു….

 

അവിടെ എന്നെ കാത്തു ആരോ ഇരിപ്പുണ്ട്…

സഞ്ജുവും കൂട്ടുകാരും… സംസാരിക്കുന്നതിനിടയിൽ….

 

മോനെ നീ സഞ്ജുവല്ലേ…

 

ഒരു പരിചയമില്ലാത്ത ശബ്ദം കേട്ടപ്പോൾ…സഞ്ജു പിറകിലേക്ക് തിരിഞ്ഞുനോക്കി..

60 മുകളിൽ പ്രായമുള്ള.. ഒരാൾ… തന്റെ പിറകിലായി നിൽക്കുന്നു…

 

അതേ സഞ്ജുവാണ്…

 

എന്നെ അറിയോ മോനേ…

 

ഇല്ല എന്നുള്ള രീതിയിൽ സഞ്ജുവും തലയാട്ടി…

പക്ഷെ സഞ്ജുവിന്റെ മനസ്സിൽ..

 

ആ നരച്ച തലമുടിയും.. വട്ട കണ്ണടയും.. കുറച്ചു നീണ്ട മൂക്കും…ഇരു നിറത്തിലുള്ള ആ മനുഷ്യനെ എവിടെയോ കണ്ടു മറന്ന മുഖം പോലെ തോന്നിച്ചു…

 

വളരെ അടുത്തു തന്നെ ഒരു ദിവസം കണ്ടതുപോലെ…

പക്ഷെ എവിടെ വെച്ചാണ് എന്ന് ഓർമ്മയില്ല…

 

എവിടെയോ കണ്ടിട്ടുണ്ട്…

 

അയാൾ സഞ്ജുവിന്റെ മുഖത്ത് നോക്കി പുഞ്ചിരി തൂകി…

പിന്നെ പറഞ്ഞു… ഞാൻ മോന്റെ അച്ഛൻ പത്മനാഭന്റെ കൂട്ടുകാരനാണ്…