തെരുവിന്റെ മകൻ 10 ??? [നൗഫു] 4293

തലപൊട്ടി….തലയിൽ നിന്നും രക്തം ചീറ്റി തെറിക്കുവാൻ തുടങ്ങി…

 

ബാക്കിയുള്ള രണ്ടു പേരും… ഇനി രക്ഷയില്ല എന്ന് കണ്ടപ്പോൾ സഞ്ജുവിനെ നേരിടാനായി തന്നെ… തിരിഞ്ഞ് നിന്നു…

 

അവർ രണ്ടുപേരും ഒരേ സമയം സഞ്ജുവിന് നേരെ ഓടി വന്നു…

ഒരാൾ സഞ്ജുവിന്റെ നേരെ വലതു കാൽ പൊക്കി അടിച്ചു… ആ അടി തന്റെ ഇടതു കൈ കൊണ്ട് തടഞ്ഞപ്പോൾ…

 

രണ്ടാമൻ കാലിൽ അടിച്ച അടി തടയാൻ കഴിയാതെ സഞ്ജു നിലത്തേക് വീണു…

 

അവർ രണ്ടു പേരും ഉടനെ തന്നെ സഞ്ജുവിന് മുകളിലേക്ക് ചാടി…

 

ഒരാൾ കാല് കൊണ്ട് അവനെ നിലത്തിട്ട് ചവിട്ടാൻ തുടങ്ങി..

 

മറ്റവൻ നെഞ്ചിൽ കയറി ഇരുന്ന്..

 

വർദ്ധിത ആവേശത്തോടെ സഞ്ജുവിന്റെ മുഖത് രണ്ടു ഭാഗങ്ങളിലുമായി ഇടിക്കാൻ തുടങ്ങി..

 

പെട്ടെന്നുള്ള അവരുടെ ഒരുമിച്ചുള്ള അക്രമണത്തിൽ ഒന്നും ചെയ്യാൻ പറ്റാതെ സഞ്ജു നിലത്തു കിടന്നു…

 

തന്റെ കൈകൾ എന്തെങ്കിലും കിട്ടുമെന്ന പ്രതീക്ഷയിൽ നിലത്തു പരുതിയപ്പോൾ കിട്ടിയ സാധനം… വലതു കയ്യിൽ പിടിച്ച്…

 

താഴെ നിന്നും അതി ശക്തിയിൽ തന്നെ സഞ്ജു… തന്റെ നെഞ്ചിൽ ഇരിക്കുന്നവന്റെ തല നോക്കി ഒന്ന് കൊടുത്തു…

 

അവൻ… ആ…ആ.. ആ

 

എന്ന കരച്ചിലോടെ… നിലത്തേക്ക് മറിഞ്ഞു വീണു…

 

കൂടെയുള്ളവന് എന്തുസംഭവിച്ചു എന്നുള്ള ഞെട്ടലിൽ ഒരു നിമിഷം… മറ്റവൻ നിന്നപ്പോൾ… മതിയായിരുന്നു സഞ്ജുവിന് അവനെ പ്രതിരോധിക്കാൻ…

 

തന്റെ കാൽ കൊണ്ട്… അവന്റെ കാല് കോരി നിലത്തേക്ക് തള്ളിയിട്ടു…

 

ഉടനെ തന്നെ ഒന്ന് ചാടിയെഴുന്നേറ്റ സഞ്ജു…

 

അവന്റെ വലതുകാൽ ഉയർത്തി പിടിച്ചു… മർമ ഭാഗത്ത് കുറച്ച് ചവിട്ട് കൊടുത്തു…