ഡെറിക് എബ്രഹാം 2 [അഹമ്മദ് ശഫീഖ് ചെറുകുന്ന്] 233

നിൽക്കുന്ന അനുപമയെ ഒന്ന് നോക്കിയെങ്കിലും, മുഖത്ത് പ്രത്യേകിച്ച് ഭാവവ്യത്യാസങ്ങളൊന്നും അവർ തമ്മിലുണ്ടായില്ല..അവൻ ബുള്ളറ്റിൽ സിനിമാസ്റ്റൈലിൽ ചാടിക്കയറി, കൂടെയുള്ളവനോടും കയറാൻ പറഞ്ഞിട്ട് , വന്നത് പോലെ തിരിച്ചു പോയി…

കുറച്ചു നേരം അവിടം നിശബ്ദതയിലാണ്ട് പോയി….ഇത്രയും പ്രശ്നങ്ങൾ നടന്നിട്ടും ഒരൊറ്റ പോലീസുകാർ പോലും അവർക്കെതിരെ ഒരു നീക്കം പോലും നടത്താത്തത് ചാന്ദ്നിയെ ശരിക്കും ഞെട്ടിച്ചു… അതിനേക്കാൾ അവൾ അത്ഭുതപ്പെട്ടത് എല്ലാ തെറ്റുകൾക്കും പ്രതികരിക്കുന്ന അനുപമയും അലക്സും മൗനം പാലിക്കുന്നത് കണ്ടപ്പോഴാണ്…മൗനം പാലിച്ചത് മാത്രമല്ല, ഈ തെമ്മാടിത്തരമൊക്കെ നടന്നത് അവരുടെ അറിവോട് കൂടിയാണെന്നതാണ് ചാന്ദ്നിയെ കൂടുതൽ ചൊടിപ്പിച്ചത്…

അനുപമ മെല്ലെ ജോലിക്കാരുടെ അടുത്തേക്ക് നീങ്ങി അവർക്കുള്ള നിർദേശങ്ങൾ കൊടുത്തു തുടങ്ങി..
ചാന്ദ്നി മെല്ലെ അലക്സിന്റെ അടുത്തെത്തി…

“ശ്ശ് ശ്ശ്…അലക്സ് സാറേ….ഇതെന്താ ഇപ്പൊ ഇവിടെ നടന്നത് ? ”

“അല്ല പെണ്ണേ… നിന്റെ വായിക്ക് കണ്ട്രോൾ ഇല്ലേ… വന്നിട്ട് ഒരാഴ്ചയല്ലേ ആയുള്ളൂ ”

“അതിനെന്താ..അതും വിചാരിച്ചു എല്ലാം നോക്കി നിൽക്കണമെന്നാണോ..നിങ്ങളെപ്പോലെ അതിനൊന്നും ഈ ചാന്ദ്നിയെ കിട്ടില്ല ”

” നീ എന്തോന്നാടീ കൊച്ചേ ഈ പറയണേ ”

“അല്ലെങ്കിൽ സാർ തന്നെ പറ… സാറും മാഡവും ഇപ്പോൾ ചെയ്തത് ശരിയാണോ ”

“നീ എന്തോന്നറിഞ്ഞിട്ടാ ചാന്ദ്നീ ഇങ്ങനെ അമിട്ട് പൊട്ടിക്കുന്നെ..ആ വന്നതാരാണെന്നറിയോ നിനക്ക്..? ”

“തെമ്മാടികൾക്കും പോലീസ് വക്കാലത്ത് പറയാൻ തുടങ്ങിയോ ? ”

“ടീ.. കാന്താരീ… അത് അനുപമ മാഡത്തിന്റെ ഒരേയൊരു അനിയനാണ്…ആദി…ആദിശ് ചന്ദ്രൻ…