ഡെറിക് എബ്രഹാം 2 [അഹമ്മദ് ശഫീഖ് ചെറുകുന്ന്] 233

കാണിച്ചും കൊണ്ടവൾ അവനോട് പുഞ്ചിരിച്ചപ്പോൾ…അവളുടെ കാന്തികമായ കണ്ണുകളിൽ നിന്നവന് അവന്റെ മിഴികളെ അറുത്തു മാറ്റാനായില്ല… അവൾ നാണം കൊണ്ട് മുഖം താഴ്ത്തിപ്പിടിച്ചു….

“മോനേ… മാമാ… ആദിക്കുട്ടാ… വണ്ടി വിട്…വായ്നോട്ടം നമുക്ക് പിന്നീടാകാം ”

കീർത്തിയുടെ ഡയലോഗ് കേട്ടപ്പോഴാണ് അവൻ ചിന്തകളിൽ നിന്നുമുണർന്നത്…വാനിലുള്ളവരൊക്കെ കൂട്ടച്ചിരിയായിരുന്നു… അവനാകെ ചമ്മിപ്പോയി….ചാന്ദ്നിയുടെ മുഖത്തും ചിരി പടർന്നു… കീർത്തിയെ ഒന്ന് കടുപ്പിച്ചു നോക്കിയിട്ട് അവൻ വാൻ സ്റ്റാർട്ട്‌ ചെയ്തു…മെല്ലെ വാൻ നീങ്ങിത്തുടങ്ങി

” ആദീ…. വിശക്കുന്നു…. ഐസ്ക്രീം വാങ്ങിത്താ…. ”

ജൂഹിയും കീർത്തിയും നിലവിളി തുടങ്ങി….

“നിങ്ങൾക്ക് മാത്രമല്ല… എല്ലാവർക്കും വേണം… കുറച്ചൂടെ മുന്നോട്ട് പോയാൽ എല്ലാം കിട്ടുന്നൊരു ഹോട്ടലുണ്ട്… അവിടെ നിർത്താം…”

ജൂഹിയുടെയും കീർത്തിയുടെയും നിലവിളിയിൽ വാനിന് സ്പീഡ് കൂടിയതിനാൽ, ഹോട്ടലിലേക്ക് വേഗത്തിൽ തന്നെയെത്തി….

കുറച്ചു പേർ പുറത്തേക്കിറങ്ങി…. വണ്ടിയിൽ തന്നെയിരിക്കുന്നവർക്ക് ആദി ഭക്ഷണമെത്തിച്ചു..ആ സമയത്തൊക്കെ അവന്റെ കണ്ണുകൾ മുഴുവൻ ചാന്ദ്നിയിലായിരുന്നു…ചാന്ദ്നി അവനെ കണ്ണിമ വെട്ടാതെ നോക്കി നിൽക്കുന്നുണ്ടെങ്കിലും അവൾ വേറേതോ ലോകത്തായിരുന്നു….

“ചാന്ദ്നീ…. തനിക്ക് കഴിക്കേണ്ടേ ”

അവൾ ഉറക്ക് ഞെട്ടിയത് പോലെ, അവനെ നോക്കീട്ട് വേണ്ടാന്ന് രണ്ട് കണ്ണുമിറുക്കി കാണിച്ചു..

“എന്നാലീ ചായയെങ്കിലും കുടിക്ക് ”

അവൾ അവന്റെ കൈയിലുള്ള ചായ വാങ്ങി..