ഡെറിക് എബ്രഹാം 2 [അഹമ്മദ് ശഫീഖ് ചെറുകുന്ന്] 233

ആദി മെക്കാനിക്കൽ എഞ്ചിനീയറിംഗ് സെക്കന്റ്‌ റാങ്കോട് കൂടെ പാസായതാണ്…കുറേ ജോബ് ഓഫറുകളും വന്നതാണ്… പക്ഷേ, അനുപമ മാഡത്തെ വിട്ടു പോകാൻ അവനാവുന്നില്ല… അതാണ് ചന്ദ്രേട്ടൻ പറഞ്ഞത്…”

എന്നിട്ടും പൂരത്തിന് പോയ സ്ഥിതി തന്നെ തുടർന്ന അനുവിനെ കണ്ടപ്പോൾ ചന്ദ്രേട്ടൻ ചിരിച്ചും കൊണ്ട് പറഞ്ഞു..

“മോളേ…. ആദിക്ക്‌ അനുവെന്ന് പറഞ്ഞാൽ ജീവനാണ്.. അവൾക്കും അങ്ങനെ തന്നെ….11 വയസ്സിന്റെ വ്യത്യാസമേയുള്ളൂവെങ്കിലും അവൻ അമ്മേ എന്ന് വിളിക്കുന്നില്ല എന്നേയുള്ളൂ…
എന്റെ രാധയാണ് അവനെ പ്രസവിച്ചതെങ്കിലും ചെറുപ്പം മുതലേ അവന്റെ പഠിപ്പും എല്ലാ കാര്യങ്ങളും ശ്രദ്ധിച്ചത് അവളായിരുന്നു…
എന്റെ മോൾക്കും മോനും ഉള്ള ഒരേയൊരു പ്രശ്നമാണ് , തെറ്റ്‌ എവിടെ കണ്ടാലും പരിസരം നോക്കാതെ പ്രതികരിക്കും… അതവസാനം വല്യ പുലിവാലായിത്തീരുകയും ചെയ്യും…
ചേച്ചി എന്തെങ്കിലും കുഴപ്പമുണ്ടാക്കും..അനിയൻ പോയി അവന്റെ കായികബലം അവിടെ കാണിക്കും..അന്നൊക്കെ ഞാൻ സർവീസിൽ ഉണ്ടായത് കൊണ്ട് ഡിപ്പാർട്മെന്റിൽ നിന്ന് എല്ലാ കുറ്റവും എന്റെ മുകളിലാണ് അടിച്ചേല്പിക്കാറുള്ളത്…. റിട്ടയേർഡ് ആയതിനു ശേഷമാണ് കുറച്ചൊക്കെ ഒരു സമാധാനം കിട്ടിയത്… കുറച്ചു സാമൂഹിക പ്രതിബദ്ധതയുള്ളത് കൊണ്ട് , IAS എടുക്കണമെന്നുള്ളത് അവളുടെ പണ്ടേയുള്ള ആഗ്രഹമായിരുന്നു..അവളത് നേടുകയും ചെയ്തു…
പക്ഷേ, കല്യാണം കഴിഞ്ഞു ഇരട്ടക്കുട്ടികളുടെ അമ്മയായിട്ടും അവളുടെ സ്വഭാവത്തിന് ഒരു മാറ്റവും വന്നില്ല…ആ സ്വഭാവം അവൾക്ക് രാഷ്ട്രീയത്തിലും ഡിപ്പാർട്മെന്റിലും ശത്രുക്കളെയുണ്ടാക്കി… ജനങ്ങൾക്ക്‌ പ്രിയപ്പെട്ടവളാണെങ്കിലും അഴിമതിക്കാരുടേയും കള്ളരാഷ്ട്രീയക്കാരുടെയും കണ്ണിലെ കരടായി അവൾ…ശത്രുക്കളുടെ മുന്നിൽ നിന്നും മക്കളെയെങ്കിലും മാറ്റി നിർത്താൻ ഞങ്ങളുടെ നിർബന്ധം കാരണം അവരെ ഊട്ടിയിലാണ് പഠിപ്പിക്കുന്നത്.