ഡെറിക് എബ്രഹാം 2 [അഹമ്മദ് ശഫീഖ് ചെറുകുന്ന്] 233

“ഓഹ്… വാ മോളേ..കയറി ഇരിക്ക്… അലക്സേ… വാ ”

“ചന്ദ്രേട്ടനില്ലേ ചേച്ചീ….? ”

“ദേ…. ഇങ്ങോട്ട് വന്നേ..അലക്സൊക്കെ വന്നിരിക്കുന്നു ”

അനുപമയുടെ അച്ഛൻ ചന്ദ്രേട്ടൻ പുറത്തേക്ക് വന്നു…റിട്ടയേർഡ് സർക്കിൾ ഇൻസ്‌പെക്ടർ കൂടിയാണ് ചന്ദ്രേട്ടൻ…

“ആരിത്.. അലക്സോ… കുറെയായല്ലോടോ ഇത് വഴിയൊക്കെ കണ്ടിട്ട്… ”

“ചന്ദ്രേട്ടാ..എപ്പോഴും വരണമെന്ന് വിചാരിക്കും..ഓരോരോ തിരക്കുകൾ..ഒഴിഞ്ഞു കിട്ടുന്നില്ല ”

” ഹാ….നമ്മുടെ പോലീസുകാരുടെ ജീവിതമൊക്കെ അങ്ങനെയാടോ…
അതൊക്കെ പോട്ടെ…
ഞാനീ അമ്മയുടെയും മോന്റെയും യുദ്ധം കണ്ട് മടുത്തിട്ട് റൂമിലേക്ക് കയറിയിരുന്നതാണ്….
വാ ഇരിക്ക്..
ഓഹ്… ഇതാണോ അനുവിന്റെ പുതിയ അസിസ്റ്റന്റ് ”

“അതേ അച്ഛാ.. ഞാൻ ചാന്ദ്നി ”

“ഹാ… ഇവൾ പറഞ്ഞിരുന്നു…വാ മോളേ ”

ഇതൊക്കെ മിഴി ചിമ്മാതെ നോക്കി നിൽക്കുന്ന രാധേച്ചിയെ നോക്കി ചന്ദ്രേട്ടൻ പറഞ്ഞു…

“നീ ഇതെന്ത് കൂത്ത് കണ്ട് നിക്കയാണെന്റെ രാധേ… ഇവർക്ക് എന്തെങ്കിലും കുടിക്കാനെടുക്ക് ”

“അയ്യോ… ഞാനത് മറന്നു..
പിന്നേ… ഹേ മൻഷ്യാ… അച്ഛനും മോളും കൂടി ഇവന്റെ കാര്യത്തിൽ ഇന്നൊരു തീരുമാനമെടുക്കണം… അല്ലെങ്കിൽ ഞാനെന്റെ അമ്മയുടെ അടുത്തേക്ക് പോകും.. ഇതൊക്കെ കണ്ടു നിൽക്കാനുള്ള ത്രാണി എനിക്കില്ല ”