ജാനകി.25 (Last Part) [Ibrahim] 243

നേഴ്സ് ഡോർ തുറക്കുന്ന ശബ്ദം കെട്ടിട്ടാണ് ആദി അമ്മയിൽ നിന്ന് വേർപെട്ടത്..

ഇത്രയും സമയം അമ്മയെയും കെട്ടിപ്പിടിച്ചു നിൽക്കുകയായിരുന്നു എന്ന് അവനോർത്തു.. അതുകൊണ്ട് മാത്രം ആവും തനിക്ക് ആശ്വസിക്കാൻ ആയതും..

ജനിയുടെ കാര്യം ചോദിക്കാം എന്നുള്ള ചിന്തയിലാണ് ഡോറിന് അടുത്തേക്ക് ഓടിയതും.

ഡോർ തുറന്നു വന്ന നേഴ്സ് ന്റെ കയ്യിൽ കുഞ്ഞിനെ കണ്ടപ്പോൾ വല്ലാത്തൊരു ആശ്വാസം തോന്നി…

കുഞ്ഞിനെ കയ്യിൽ തന്നപ്പോൾ കൈകൾ വിറക്കുക ആയിരുന്നു..

മോനെ കയ്യിൽ വാങ്ങിയത് അമ്മയായിരുന്നു. വീട്ടിൽ എത്തിയതിനു ശേഷം ആണ് ജാനി മോനെ കയ്യിൽ വെച്ചു തന്നത് അതും ബെഡിൽ ഇരുന്നു കൊണ്ട്…

ഇതിപ്പോ എന്റെ കുഞ്ഞിനെ ആദ്യമായി കയ്യിൽ വാങ്ങുമ്പോൾ വല്ലാത്തൊരു കുളിരു പോലെ തോന്നിപ്പോയി..

മോളാണ് എന്ന് പറഞ്ഞു അവർ പോയപ്പോൾ ജനിയുടെ കാര്യം ഒന്നും ചോദിച്ചില്ല ല്ലോ എന്ന് അപ്പോളാണ് ഞാൻ ഓർത്തത്..

അപ്പോഴേക്കും അമ്മ വന്നു ആദിയുടെ കയ്യിൽ നിന്നും കുഞ്ഞിനെ വാങ്ങി..

അനിയുടെ മടിയിൽ ഉറങ്ങുന്ന കണ്ണനെയും തോളിലിട്ട് അവൻ ഉറങ്ങുന്ന കുഞ്ഞിനേയും നോക്കി നിന്നു. അധികം വൈകാതെ തന്നെ തനിക്കും ഇങ്ങനെ ഒരു ഭാഗ്യം ഉണ്ടാവണേ എന്ന് ആത്മാർത്ഥമായി പ്രാർഥിച്ചു കൊണ്ട്…

പ്രാർത്ഥന എന്ന് പേര് വിളിച്ചത് ആദിയേട്ടനായിരുന്നു.

ഏട്ടൻ ഞാൻ ആദ്യം ഗർഭിണി ആയപ്പോൾ തൊട്ട് മനസ്സിൽ കൊണ്ട് നടന്ന പേരായിരുന്നു അതെന്ന് പിന്നെ ആണ് മനസിലായത്..

പേര് ചൊല്ലി വിളിക്കുന്നതിന് മുമ്പ് തന്നെ സർട്ടിഫിക്കറ്റിൽ ചേർത്താൻ ഏട്ടൻ പേര് പറഞ്ഞു കൊടുത്തിരുന്നു.. അതൊക്കെ പിന്നെ ആണ് മനസിലായത്…

അവളു വീട്ടിൽ എല്ലാവർക്കും പാത്തു ആണ്..

ദേവിക്കും ശ്രീ ക്കും ഒക്കെ പെൺകുട്ടികൾ ആണ്..

ദേവി യുടെ മോളെ നക്ഷത്ര എന്ന് വിളിച്ചു..

നച്ചു ആണ് അവൾ എല്ലാവർക്കും.

ശ്രീ യുടെ മോൾ പാർവതി

അനിലിന്റെ അമ്മയാണ് പേര് പറഞ്ഞു കൊടുത്തത്.

പാറു എന്ന് വീട്ടിൽ വിളിക്കും..