ജാനകി.25 (Last Part) [Ibrahim] 243

അമ്മ അടുക്കളയിൽ ആണെന്ന് പറഞ്ഞപ്പോൾ ഞാൻ അങ്ങോട്ട് പോയി. അവളും ഉണ്ടായിരുന്നു കൂടെ..

അമ്മ ചപ്പാത്തി ഒക്കെ റെഡി ആകുകയാണ്.

ഞാനും കൂടാം എന്ന് പറഞ്ഞിട്ട് കേട്ടില്ല എന്നോട് അവിടെ കസേരയിൽ ഇരിക്കാനാണ് പറഞ്ഞത്.

ദേവി മോളെ ഇതൊക്കെ എടുത്തു വെക്കെന്ന് അമ്മ പറഞ്ഞപ്പോൾ അവളെ വീട്ടിൽ ഒരാളായി അമ്മ കണ്ടു കഴിഞ്ഞു എന്ന് എനിക്കും അവൾക്കും മനസിലായി..

എല്ലാവർക്കും ചപ്പാത്തി ആണ് വിളമ്പിയത് എനിക്ക് മാത്രം കഞ്ഞി..

എനിക്കത് വേണ്ട പറഞ്ഞപ്പോൾ എനിക്ക് വേണ്ടി മാത്രം ഉണ്ടാക്കിയതാ പറഞ്ഞു കൊണ്ട് ചിക്കൻ ഫ്രൈ എനിക്ക് മുന്നിലേക്ക് നീട്ടി വെച്ചു .

ഞാൻ അത് എന്റെ അടുത്തേക്ക് വെച്ചു. കൊതിയന്മാർ ചുറ്റും ഉള്ളപ്പോൾ അതൊക്കെ കണ്ണടച്ച് തുറക്കുന്ന വേഗത്തിൽ കാണാതാവും എന്ന് എനിക്കറിയാം..

അടുത്ത് ഒന്ന് ആദിയേട്ടൻ ആണ് പിന്നെ നീലു ആണ്. ഏട്ടനെ എനിക്ക് പേടിയില്ല. നീലൂന്റെ അപ്പുറം അനിയാണ്. അവൻ അവിടെ നിന്ന് ഇവിടെ വരെ കയ്യെത്തിക്കും..

ഏട്ടനോട്‌ കണ്ണ് കാണിക്കുന്നുണ്ട്. അമ്മ എനിക്ക് പ്രത്യേകം ഉണ്ടാക്കിയതായത് കൊണ്ട് നല്ല രുചി..

ദേവി വെജിടെറിയൻ ആയത് കൊണ്ട് വെജിറ്റബിൾ കുറുമയാണ് ചപ്പാത്തി ക്ക് കൂട്ടാൻ..

ഏട്ടനെ അനി കണ്ണ് കാണുക്കുന്നത് കണ്ടാണ് ഞാൻ വലിയൊരു ചിക്കൻ പീസ് എടുത്തു കടിച്ചു പ്ലേറ്റിൽ വെച്ചത്. ആസ്വദിച്ചു കടിച്ചു കൊണ്ട് എല്ലവരെയും ഒന്ന് നോക്കി അടുത്ത കടിക്കായിട്ട് പ്ലേറ്റിൽ നോക്കിയപ്പോഴേക്കും അത് മിസ്സായിരുന്നു…

നീലൂനോട് കച്ചറ ആക്കാൻ വിചാരിച്ചപ്പോഴേക്കും അത് അവിടെന്നും പോയിരുന്നു…

എടാ അതെന്റെയാ പറഞ്ഞു നീലു ദേഷ്യം പിടിച്ചു.. അതേയ് കട്ടെടുത്തതല്ലേ അതുകൊണ്ട് ഞാൻ തിന്നോളാം എന്ന് പറഞ്ഞു അനി..

എന്നോട് കൊതി പറഞ്ഞു പറഞ്ഞു അവൾ ഉള്ളതിൽ നിന്ന് നല്ലതൊക്കെ വാങ്ങി എടുത്തു. ബാക്കി എനിക്ക് കുറച്ചു മാത്രം ആണ് കിട്ടിയത്..

അനിയുടെ ഫസ്റ്റ് നൈറ്റ്‌ ആണെന്ന് പറഞ്ഞു അവനും വാങ്ങി എന്റെ അടുത്തൂന്ന്.

കുറെ ഒന്നും കഴിച്ചില്ലെങ്കിലും തല്ല് കൂടി തിന്നിട്ടാവും നല്ലോണം വയറ് നിറഞ്ഞത്..

…………..

ദിവസങ്ങൾ വളരെ പെട്ടെന്ന് തന്നെ കഴിഞ്ഞു പോയി..

ഡേറ്റ് അടുപ്പിച്ചു ഹോസ്പിറ്റലിൽ അഡ്മിറ്റായി..