ജാനകി.25 (Last Part) [Ibrahim] 243

എല്ലാവരും ആരാണ് എന്നുള്ള രീതിയിൽ നോക്കുമ്പോൾ വാതിലും തള്ളി തുറന്നു കൊണ്ട് “” എടാ പ്രാന്താ എന്റെ ചിക്കൻ കൂടി നീ തിന്നു തീർത്തോ “”എന്നും ചോദിച്ചു കൊണ്ട് നീലു കടന്നു വന്നത്..

 

 

 

“””
എടീ നിന്നെ ഇവിടെ നിന്ന് പറഞ്ഞു വിട്ടതല്ലേ പിന്നെയും വന്നോ “”” ചോദിച്ചു കൊണ്ട് അനി തന്നെ ആണ് ആദ്യം പോയി അവളെ കെട്ടിപിടിച്ചത് കൂട്ടത്തിൽ അവളുടെ പുറത്തു ഒരു ഇടിയും..

“” ഹും ഞാൻ അപ്പോഴേ പറഞ്ഞതാണ് വരേണ്ട എന്ന് ഇപ്പോൾ കണ്ടില്ലേ ഇങ്ങേർക്ക് അപ്പോൾ അളിയന്മാരെ നല്ലോണം പരിചയപെടണം പോലും ഹും “‘ എന്ന് മുഖം കോട്ടി കൊണ്ട് നിഷാന്ദിനോട് മുഖം കോട്ടി കൊണ്ട് അവൾ പറഞ്ഞു..

അവൻ ചിരിച്ചു…
മറുപടി ഒന്നും പറഞ്ഞില്ല

എല്ലാവർക്കും ഭക്ഷണം വിളമ്പി..

കഴിച്ചു കഴിഞ്ഞപ്പോൾ അവർ പോകാനിറങ്ങി..

ഞാൻ ഇപ്പോൾ വരാമെന്നു പറഞ്ഞു കൊണ്ട് അവൾ മുകളിലേക്ക് ഓടിപ്പോയി. അവർക്കുള്ള റൂം മുകളിൽ ആണ് കൊടുത്തത്. അവളുടെ സകലമാന സാധനങ്ങളും മുകളിൽ കൊണ്ട് ഇട്ടിട്ടുണ്ട്. അതിൽ നിന്ന് എന്തെങ്കിലും വലിച്ചൂരി എടുക്കാൻ ആയിരിക്കും..

അവൾ മുകളിലേക്ക് പോയപ്പോൾ നിഷാന്ത് പറഞ്ഞു തുടങ്ങി..

നിങ്ങൾ തിരിച്ചു പോന്നപ്പോൾ തുടങ്ങിയ മൂഡോഫ് ആണ്. എല്ലാവരും അത് ശ്രദ്ധിച്ചിരുന്നു. ഭക്ഷണം കഴിക്കുമ്പോഴും നിശബ്ദയായിരുന്നു..

കണ്ണ് ഇടയ്ക്കിടെ തുടക്കുന്നത് കണ്ടാണ് അച്ഛൻ പറഞ്ഞത് അവളെ ഒന്ന് അവിടെ കൊണ്ട് പോയിട്ട് വന്നേക്കെന്ന് അപ്പോൾ തന്നെ അവളെയും കൂട്ടി വന്നതാണ് ഇങ്ങോട്ട് ആണെന്ന് പറഞ്ഞില്ലായിരുന്ന് പക്ഷെ വഴി കണ്ടപ്പോൾ ആളുടെ സന്തോഷം ഒന്ന് കാണണമായിരുന്നു..

നിഷാന്ത് പറഞ്ഞു നിർത്തി അപ്പോഴേക്കും അവളു വന്നിരുന്നു..

 

അവർ പോകാനിറങ്ങിയപ്പോൾ അനി പറയുന്നത് കേട്ടു..
“”
അളിയോ രാത്രി ഒന്നും ഇനി ഇങ്ങോട്ട് ഇറങ്ങിയെക്കല്ലേ ഞങ്ങൾക്ക് ഒന്നുറങ്ങണം “”എന്ന്.

 

ഒരു ചമ്മിയ ചിരിയും പാസ്സാക്കി അവൾ വണ്ടിയിൽ കയറി പ്പോയി….

 

വെറുതെ വീട്ടിൽ നടന്നാൽ പോലും കാലിന് നീര് വെക്കുകയാണ്.

തടി ആണെങ്കിൽ നല്ലോണം ഉണ്ട്.. ഭക്ഷണം കഴിച്ചാൽ ശ്വാസം മുട്ടുന്നത് പോലെയാണ്.

എപ്പോഴും എന്തെങ്കിലും മധുരം ഉള്ളത് കഴിച്ചു കൊണ്ടിരിക്കുന്നു..

കൂടുതൽ സുന്ദരി ആയി വരുന്നു അതുകൊണ്ട് പെൺകുട്ടി തന്നെ ആയിരിക്കും എന്ന് ഇടയ്ക്കിടെ പറഞ്ഞു കൊണ്ട് ഏട്ടൻ ആശ്വാസം കണ്ടെത്തുന്നു…

 

ശ്രീ അനിലിന്റെ വീട്ടിലും ദേവി അവളുടെ അച്ഛമ്മയുടെ അടുത്തുമാണ്..

പ്രസവം അവിടെ ആയിരിക്കും എന്നാ അറിഞ്ഞത്..