ജാനകി.25 (Last Part) [Ibrahim] 243

ദേഷ്യം പിടിക്കരുത് എന്ന് പറഞ്ഞത് കൊണ്ട് മാത്രം ആയിരിക്കും നീലു ക്ഷമിച്ചു നിൽക്കുന്നത്..

ഒൻപതു മാസം കൂടി കഴിഞ്ഞിട്ട് കാണിച്ചു തരാടാ പട്ടീ എന്നാ അനിയോട് അവളു പറഞ്ഞത്..

അതിനു മുമ്പ് ഞാൻ അടുത്ത ഗോൾ അടിച്ചിരിക്കും ദേവി രണ്ടു മാസം ഗർഭിണി ആണോ എന്നാ എന്റെ ഒരു ഇത്.

അനി ആയത് കൊണ്ട് വിശ്വസിക്കാൻ പറ്റില്ല എന്നാ ആദിയേട്ടൻ പറഞ്ഞത്..

എന്തായാലും വന്നോട്ടെ ഇനിയും പുതിയ അതിഥികൾ..

ശ്രീ വന്നാലേ അറിയുള്ളൂ അവിടെയും പുതിയ വിശേഷം വല്ലതും ഉണ്ടോ എന്ന്…
നീലു വിനെ പോലെ ആണെന്ന് പറഞ്ഞിട്ടാണ് പാത്തൂനെ സോപ്പിട്ടു നടക്കുന്നത് നീലു.

അവളോട് ആണത്രേ കൂടുതൽ ഇഷ്ടം വേണ്ടത്. പാത്തു പക്ഷെ കിട്ടാനുള്ളത് മൊത്തം വാങ്ങി എടുത്തു അച്ഛന്റെ മടിയിൽ പോയിരിക്കും. കണ്ണൻ ആണ് നീലുവിന്റെ കമ്പനി…

ഇന്നിപ്പോ അവളു വരുന്നത് കുട്ടികളെ കാണാൻ ആണ്. കുഞ്ഞു മക്കളെ നോക്കി ഇരുന്നാൽ ജനിക്കുന്ന മക്കൾ അതുപോലെ ഉള്ളവരായിരിക്കും എന്ന് ആരോ പറഞ്ഞു പോലും അതുകൊണ്ട് അവൾ ഒരാഴ്ച മക്കളെ നോക്കി ഇരിക്കാൻ വരികയാണ്…

ഒരാള് കൂടി വേണം എന്ന് പറഞ്ഞു നടക്കുകയാണ് ആദിയേട്ടൻ. പാത്തു ഒന്ന് എഴുന്നേറ്റു നടക്കട്ടെ ഏട്ടാ ന്ന് പറഞ്ഞു വെയിറ്റ് ചെയ്തു നിർത്തിയിരിക്കുകയാണ്. പക്ഷെ ഏട്ടൻ അതിനുള്ള സമയം എനിക്ക് തരുമെന്ന് തോന്നുന്നില്ല.

അന്ന് മൂന്നു ഗർഭിണികൾ ഒരുമിച്ചു നടന്നത് പോലെ നാല് പേരും കൂടി ഒരുമിച്ചു നടക്കേണ്ടി വരുമെന്നുള്ള കാര്യം ഓർക്കുമ്പോൾ ആണ് ചെറിയ ഒരു ചമ്മൽ തോന്നുന്നത്. പിന്നെ ആകെ ഉള്ള ഒരു ആശ്വാസം വീട്ടിൽ കല്യാണമൊന്നും ഇനി ബാക്കി ഇല്ലല്ലോ എന്നുള്ള കാര്യത്തിലാണ് അല്ലെങ്കിൽ ഫാമിലി ഗ്രൂപ്പിൽ ഒക്കെ ഓടി നടക്കുമായിരുന്നു ഞങ്ങളുടെ കഥ..

.അടുത്ത എന്തെങ്കിലും കഥ കിട്ടിയാൽ അതുമായിട്ട് വരാം ഞാൻ

പിന്നെ എല്ലാവർക്കും നന്ദി ഉണ്ട് സപ്പോർട്ട് ചെയ്തതിന്….

????

ഈ ഗദ ഇവിടെ അവസാനിച്ചു ?