❤️ എന്റെ ചേച്ചിപെണ്ണ് 1 ❤️ [The_Wolverine] 1652

…കുറച്ചുമുമ്പ് ഞാൻ വിളിച്ചപ്പോൾ എന്നെ മൈൻഡുപോലും ചെയ്യാതെ കിടന്നുറങ്ങിയ ആളാണ് ഈ പറയുന്നത്…   എനിക്ക് ചിരിവന്നു…   ഞാൻ എണീക്കാതെ ചുമ്മാ അങ്ങനെതന്നെ കണ്ണുമടച്ച് കിടന്നു…   അവളെ ദേഷ്യം പിടിപ്പിക്കുകയാണ് എന്റെ ലക്ഷ്യം…   ചുമ്മാ ഒരു രസം…   ഞാൻ പതിയെ ഒരു കണ്ണ് തുറന്നുനോക്കിയപ്പോൾ രണ്ടുകയ്യും ഇടുപ്പിൽക്കുത്തി എന്നെത്തന്നെനോക്കി കണ്ണുരുട്ടിക്കൊണ്ടുനിൽക്കുകയാണ് കക്ഷി…   ഞാൻ കള്ളയുറക്കം നടിക്കുവാണെന്ന് പെണ്ണിന് മനസ്സിലായിട്ടുണ്ട്…   അവൾ ആ നനഞ്ഞ ടവൽ എന്റെ മേത്തേക്ക് എറിഞ്ഞു…   ഞാൻ അല്പം അസ്വസ്ഥതയോടെ അവളെ നോക്കി കണ്ണുരുട്ടി കാണിച്ചു…   അവൾ വാപൊത്തി ചിരിയടക്കിയത് ഞാൻ കണ്ടു…   ഞാൻ പിന്നെയും കണ്ണുമടച്ച് കിടന്നു…   കുറച്ച് നിമിഷങ്ങൾക്കുശേഷം മുഖത്ത് ഈറനോടെ എന്തോ ഇഴഞ്ഞുനടക്കുന്നതുപോലെ തോന്നിയപ്പോഴാണ് ഞാൻ കണ്ണുതുറന്നുനോക്കിയത്…   ഈറൻ മുടി എന്റെ മുഖത്ത് ഇട്ട് ഉരക്കുകയാണ് അവൾ…   എന്റെ ഉറക്കം കളയുക എന്നതാണ് പെണ്ണിന്റെ ലക്ഷ്യം…   അവളുടെ കുസൃതി ഓർത്തിട്ട് എനിക്ക് ചിരിവന്നു എങ്കിലും അവളെയൊന്ന് ദേഷ്യം പിടിപ്പിക്കാൻതന്നെ ഞാൻ തീരുമാനിച്ചു…

“ശ്ശെ… എന്തൂട്ടാടീ നീയീക്കാണിക്കണേ… മനുഷ്യനെ ശല്യപ്പെടുത്താനായിട്ട് വന്നോളും… എനിക്ക് കുറച്ച് സമാധാനം തരോ…”

…ഉള്ളിൽ ചിരിച്ചുകൊണ്ട് ഞാൻ അവളുടെ തോളിൽ പിടിച്ച് പിന്നോട്ട് മാറ്റിയിട്ട് കപടദേഷ്യം അഭിനയിച്ചുകൊണ്ട് പറഞ്ഞു…