❤️ എന്റെ ചേച്ചിപെണ്ണ് 1 ❤️ [The_Wolverine] 1654

…ഫോണിൽ നിന്നുള്ള Alarm Song കേട്ടാണ് ഞാൻ കണ്ണ് തുറന്നത്… എന്തോ ഈ പാട്ട് കേൾക്കുമ്പോൾ എപ്പോഴും മനസ്സിന് ഒരു കുളിരും പ്രത്യേക സന്തോഷവും ഒക്കെ തോന്നാറുണ്ട്…

…ഞാൻ വേഗം കൈയെത്തിച്ച് ടേബിളിന് മുകളിരുന്ന ഫോൺ എടുത്ത് Alarm ഓഫ് ചെയ്തുവെച്ചു…   ശേഷം എന്റെ നെഞ്ചിൽ തലചായ്ച്ചുറങ്ങുന്ന പെണ്ണിന്റെ നെറ്റിയിലും മുടിയിഴകളിലും മൃദുവായി തലോടിയിട്ട് ഞാൻ അവളുടെ കവിളിൽ ഒരു സ്നേഹചുംബനം കൊടുത്തു…   അവളുടെ ചുണ്ടിൽ ഒരു പുഞ്ചിരി വിടർന്നത് ഞാൻ കണ്ടു…   ഉണർന്നുകിടക്കുവാണ് കള്ളി…   അവളെ ശല്യപ്പെടുത്താൻവേണ്ടി ഞാൻ ചൂണ്ടുവിരൽ കൊണ്ട് അവളുടെ മുഖത്ത് ആകമാനം ഓടിക്കാൻ തുടങ്ങി…

“ങ്ങു… ഹും… കുസൃതി കാട്ടാണ്ട് അടങ്ങിക്കിടക്ക് വാവേ…”

…എന്റെ കുസൃതി കണ്ടിണ്ടെന്നോണം ഉറക്കച്ചടവോടെ അതും പറഞ്ഞ് ചിണുങ്ങിക്കൊണ്ട് അവൾ എന്റെ നെഞ്ചിലേക്ക് കുറേക്കൂടി കേറിക്കിടന്നുകൊണ്ട് എന്നെ ഇറുക്കി കെട്ടിപ്പിടിച്ച് കിടന്നു…

“ഉറങ്ങിക്കോ വാവേ…”

…പെട്ടെന്ന് ഒന്ന് ഉയർന്ന് എന്റെ ചുണ്ടിൽ ഒരു ചുംബനം തന്നിട്ട് പഴയപോലെതന്നെ എന്റെ മാറിൽ പറ്റിച്ചേർന്നുകിടന്നുകൊണ്ട് അവൾ പറഞ്ഞു…

…എന്റെ മനസ്സിൽ എന്തെന്നില്ലാത്ത ഒരു സന്തോഷം തോന്നി…   ഞാൻ അവളെയും ചേർത്തണച്ചുകൊണ്ട് അങ്ങനെ കിടന്നു…