❤️ എന്റെ ചേച്ചിപെണ്ണ് 1 ❤️ [The_Wolverine] 1655

…അങ്ങനെ ഒരു ദിവസം പതിവുപോലെ ക്ലാസ്സും കഴിഞ്ഞ് ഞാനും ആതിരയും വീട്ടിലേക്ക് വന്നുകേറിയപ്പോൾ വീട്ടുമുറ്റത്ത് അച്ഛന്റെ Toyota Fortuner കൂടാതെ ഒരു Honda City Car ഉം കിടക്കുന്നതുകണ്ടുകൊണ്ട് സംശയത്തോടെയാണ് ഞങ്ങൾ വീട്ടിനകത്തേക്ക് കയറിയത്…   വീട്ടിലേക്ക് കയറിയ ഞാൻ പെട്ടെന്ന് ബ്രേക്കിട്ടതുപോലെ അനങ്ങാതെ അങ്ങനെ നിന്നുപോയി…   വെള്ളാരംകണ്ണുകളുള്ള ഒരു സൗന്ദര്യധാമത്തിൽ എന്റെ കണ്ണുകൾ ഉടക്കി…   ചുറ്റും നടക്കുന്നതൊന്നും കാണാൻ പറ്റാത്ത അവസ്ഥ…   ആ വശ്യസൗന്ദര്യത്തെ നോക്കിയും കണ്ടും ആസ്വദിച്ചുനിന്ന എന്നെ സ്വബോധത്തിലേക്ക് മടക്കിവരുത്തിയത് വലതുകൈത്തണ്ടയിൽ കിട്ടിയ നല്ലൊരു നുള്ളലാണ്…   വേറെ ആരും അല്ല ആതിരയാണ് എന്റെ കൈയിൽ നുള്ളിയത്…   നുള്ളലിന്റെ വേദനയിൽ ഞാൻ അവളെ ഒന്ന് കലിപ്പിട്ട് നോക്കി കണ്ണുരുട്ടി പേടിപ്പിക്കുമ്പോഴാണ് ഞങ്ങൾക്ക് മുന്നിൽനിന്ന് ഒരു കൂട്ടച്ചിരി കേട്ടത്…   പെട്ടന്ന് ഞാൻ തിരിഞ്ഞ് മുമ്പിലേക്ക് നോക്കിയപ്പോൾ എന്റെ അച്ഛനും അമ്മയും ഞാൻ നോക്കിയ പെൺകുട്ടിയും അടുത്ത് സെറ്റിയിൽ ഇരുന്ന മധ്യവയസ്കരായ ഒരു സ്ത്രീയും പുരുഷനും (ആ പെൺകുട്ടിയുടെ മാതാപിതാക്കൾ ആയിരിക്കണം എന്ന് ഞാൻ ഓർത്തു) എല്ലാവരും ചേർന്ന് ചിരിക്കുന്നതാണ് ഞാൻ കണ്ടത്…   ഛെ നാണംകെട്ടു…   ഞാൻ ആ പെണ്ണിനെ നോക്കിനിന്നതൊക്കെ എല്ലാവരും കണ്ടിട്ടുണ്ട്…   ഞാൻ സ്വല്പം ജാള്യതയോടെ എല്ലാവരെയും മാറിമാറി നോക്കി…   ആ പെൺകുട്ടി ചുണ്ടുകടിച്ചുപിടിച്ച് ചിരിയടക്കിയത് ഞാൻ കണ്ടു…   ഞാൻ പതിയെ ആതിരയെയും കൂട്ടി അകത്തേക്ക് നടന്നു…