ചെകുത്താന്‍ വനം 6 [Cyril] 2265

“പ്രപഞ്ചത്തിന്റെ പ്രശ്നം തീരണം എങ്കിൽ അറോറ യും നത്തോറ യും വിട്ടുവീഴ്ച ചെയ്യാന്‍ തയാറാവണം. എന്നിട്ട് അവർ രണ്ട് പേരും ഒന്നായി ലയിച്ച് ചേരണം…. അതോടെ അവരുടെ പ്രശ്നം തീരും.”

ഞാൻ പറഞ്ഞത് കേട്ട് എല്ലാവരും മൗനമായി എന്നെ നോക്കി നിന്നു.

“ഒന്നുകില്‍ ഞാൻ അല്ലെങ്കിൽ ലോകവേന്തൻ അടിയറവ് പറയണം….. അതോടെ തീരില്ല പ്രശ്നം. കാരണം അടിയറവ് പറയാൻ വേണ്ടിയല്ല ലോകവേന്തൻ ഉന്നത ശക്തിയുടെ ശക്തി നേടുന്നത്, മറിച്ച്… ഈ പ്രപഞ്ചത്തെ തന്നെ ഭരിക്കാന്‍ വേണ്ടിയാണ്. പിന്നെ ഞാൻ അടിയറവ് പറഞ്ഞാലും ,എനിക്കും അവന്റെ അത്ര ശക്തി ഉള്ളത് കൊണ്ട്‌ അവന്‍ എന്നെ ജീവനോടെ വിടുമെന്ന് നിങ്ങളില്‍ ആരെങ്കിലും കരുതുന്നുണ്ടോ….?”

ആരും ഉത്തരം പറഞ്ഞില്ല.

“പിന്നേ മെറോഹ്റിയസ് നിങ്ങളോട് അടിയറവ് പറയാൻ വരുമെന്ന് നിങ്ങൾ കരുതുന്നുണ്ടോ…..?, ‘നമുക്ക് സമാധാനമായി പോകാം’ എന്നും പറഞ്ഞ്‌ നിങ്ങൾ അവന്റെ മുന്നില്‍ പോയി നിന്നാലും… പ്രപഞ്ച വാള്‍ നിങ്ങൾ അവനെ ഏല്പിച്ചാൽ പോലും, അവന്റെ അതേ ശക്തിയുള്ള നിങ്ങളെ അവന്‍ ജീവനോടെ വിടുമെന്ന് നിങ്ങള്‍ക്ക് തോനുന്നുണ്ടോ…? നാളെ ഒരു ദിവസം നിങ്ങള്‍ക്ക് ചെകുത്താന്‍ വംശത്തിന്റെ റാണി ആവണം എന്ന മോഹം ഉദിച്ചാൽ….. പിന്നെയും നിങ്ങൾ പ്രപഞ്ച വാള്‍ അവനില്‍ നിന്നും തട്ടിയെടുത്ത് അവനെ വധിക്കുമെന്ന് അവന്‍ എപ്പോഴും ഭയക്കും.”

ഞാൻ സംസാരിച്ച് കൊണ്ടിരുന്ന സമയത്ത് പുറത്ത് നിന്നും നാലും അഞ്ചും യോദ്ധാക്കള്‍ വീതം മുറിയില്‍ കടന്ന് വന്നിരുന്നു. എന്റെ സംസാരം കഴിഞ്ഞപ്പോൾ മൊത്തം നൂറ്റിയമ്പതോളം ആളുകൾ ഈ മുറിയില്‍ ഉണ്ടായിരുന്നു. സ്ഥലം ഇല്ലാത്തത് കൊണ്ട് ഒരുപാട്‌ യോദ്ധാക്കള്‍ പുറത്തും ഉണ്ടായിരുന്നു.

എനിക്ക് വീര്‍പ്പുമുട്ടുന്ന പോലെ തോന്നി. മുറിയില്‍ നിന്നും, പിന്നെ വീട്ടില്‍ നിന്നും ഞാൻ പുറത്ത്‌ വന്നു.

ആകാശത്ത് വ്യാളികൾ പറന്ന് നീങ്ങുന്നത് ഞാൻ കണ്ടു. അവർ തമ്മില്‍ മത്സരിച്ച് പറന്നും, ഇടക്ക് ചിറക് കൊണ്ട്‌ മറ്റുള്ള വ്യാളികളുടെ മുഖത്ത് ഉരസിയും കളിക്കുന്നത് ഞാൻ കണ്ടു. അവരുടെ ആ സന്തോഷം കണ്ട് എനിക്ക് അസൂയ തോന്നി.

അവരുടെ ഈ ലോകം ഒരു യുദ്ധകളമായി മാറാൻ പോകുന്നു എന്ന് വിചാരിച്ചപ്പോൾ എനിക്ക് വിഷമം ഉണ്ടായി.

എന്റെ പിറകില്‍ ആളുകൾ നടന്ന് വരുന്നതും, അടുത്ത് വന്ന് എന്നെ നോക്കുന്നതും ഞാൻ അറിഞ്ഞു. അവർ എല്ലാവരെയും എന്റെ മനസില്‍ ഞാൻ കാണുകയും ചെയ്തു.

“ഇപ്പോൾ നി എന്ത് ചെയ്യാനാണ് ഉദ്ദേശിക്കുന്നത്….?” ആരണ്യ ചോദിച്ചു?

“നിങ്ങൾ എന്ത് തീരുമാനമാണ് എടുത്തത്.” ഞാൻ മറുചോദ്യം ചോദിച്ചു.

“ചന്ദ്രക്കല്ല് കൊണ്ട് നമ്മുടെ എല്ലാ യോദ്ധാക്കളേയും കൂടുതൽ ശക്തരാക്കാന്‍ കഴിയും. പോരാത്തതിന് ചെകുത്താന്‍ വര്‍ഗ്ഗത്തെ തന്നെ ഉന്മൂലനം ചെയ്യാൻ നിനക്ക് ഒറ്റക്ക് കഴിയും.” ആരണ്യ പറഞ്ഞു.

“ഈ യുദ്ധത്തിൽ എനിക്ക് പങ്ക്‌ ചേരാന്‍ കഴിയില്ല. അതുപോലെ ചന്ദ്രക്കല്ല് ആര്‍ക്കും ഉപയോഗിക്കാനും കഴിയില്ല….?”

ആരണ്യ ഞെട്ടി…. കൂടിനിന്ന എല്ലാവരും ഞെട്ടി…. മന്ത്ര ഭക്ഷിനി പോലും ഞെട്ടി. ഉടനെ കലപില സംസാരം തുടങ്ങി.

“എന്ത്….. എന്തുകൊണ്ട്‌…… നി ഈ യുദ്ധത്തിൽ പങ്കെടുക്കില്ല എന്ന് പറയാൻ എന്താണ് കാരണം? എന്തുകൊണ്ട്‌ ചന്ദ്രക്കല്ല് നെ ഞങ്ങൾക്ക് ഉപയോഗിക്കാൻ കഴിയില്ല….?” ആരണ്യ എന്നെ പിടിച്ചുവലിച്ച് അവര്‍ക്ക് അഭിമുഖമായി നിർത്തി കൊണ്ട്‌ കോപത്തോടെ ചോദിച്ചു.

ആ കണ്ണുകൾ ജ്വലിക്കുന്നത് പോലെ എനിക്ക് തോന്നി.