ചെകുത്താന്‍ വനം 6 [Cyril] 2264

“അങ്ങനെയാണെങ്കില്‍ മെറോഹ്റിയസ് ന്റെ ചാരന്മാർക്ക് അവന് ചന്ദ്രകല്ല് ദാനമായി കൊടുത്തത് കൊണ്ടാണോ അവരും അതി ശക്തൻമാരായ മാന്ത്രികന്‍ മാരായി മാറാൻ കാരണം?” അകതൻ ചോദിച്ചു.

“അതേ….”

“അപ്പോ ചന്ദ്രക്കല്ല് ഉപയോഗിച്ച് മെറോഹ്റിയസ് നെക്കാളും ഞങ്ങൾക്ക് ശക്തരായി മാറാൻ കഴിയും…..അല്ലേ?” ആര്യന്‍ പ്രതീക്ഷയോടെ ചോദിച്ചു.

മന്ത്ര ഭക്ഷിനി കണ്ണുരുട്ടി.

“ഒരു പന്തില്‍ ആവശ്യത്തിന്‌ കൂടുതൽ കാറ്റ് അടിച്ച് കൊണ്ടേ ഇരുന്നാല്‍ എന്ത് സംഭവിക്കും….” മന്ത്ര ഭക്ഷിനി ഗൗരവത്തോടെ ചോദിച്ചു.

“പൊട്ടി തെറിക്കും….” ഭാനു പറഞ്ഞു.

“അതുപോലെ തന്നെയാണ് ഇതും. ഓരോ ശരീരത്തിനും ജീവ ജ്യോതിക്കും പല തരത്തിലുള്ള ത്രാണി അല്ലെങ്കിൽ ഒരു അതിര് ഉണ്ട്. അതനുസരിച്ച് മാത്രമേ നിങ്ങള്‍ക്ക് ചന്ദ്രക്കല്ലിൽ നിന്നും ശക്തി സ്വീകരിക്കാൻ കഴിയുകയുള്ളു. അതിര് കടന്നാൽ നിങ്ങൾക്ക് മരണം. അതുകൂടാതെ മെറോഹ്റിയസ് ന്റെ കൈയിലും നൂറു കണക്കിന് ചന്ദ്രക്കല്ലുകൾ ഉണ്ടെന്ന് നിങ്ങൾ മറക്കരുത്.”

“ഈ കല്ലുകൾ കൊണ്ട്‌ ലോകവേന്തനെ എന്തെങ്കിലും ചെയ്യാൻ കഴിയുമോ…?” ഭാനു ചോദിച്ചു.

മന്ത്ര ഭക്ഷിനി കണ്ണുരുട്ടി കൊണ്ട്‌ പറഞ്ഞു, “ഒന്നും ചെയ്യാൻ കഴിയില്ല. നിങ്ങള്‍ക്ക്, ഞങ്ങൾ മന്ത്ര ഭക്ഷിനികൾ ചന്ദ്രക്കല്ല് ദാനമായി തന്നാൽ മാത്രമേ അതിന്റെ ശക്തിയെ നിങ്ങള്‍ക്ക് ഉപയോഗിക്കാൻ കഴിയുകയുള്ളു….. പക്ഷേ ലോകവേന്തൻ നും റോബിക്കും അവരുടെ ഇഷ്ടാനുസരണം ചന്ദ്രക്കല്ലിനെ മാത്രമല്ല ഏത് തരം ശക്തിയേയും അവർക്ക് ഉപയോഗിക്കാൻ കഴിയും. അതുപോലെ ചന്ദ്രക്കല്ലിനെ അവര്‍ക്ക് നിസ്സാരമായി നശിപ്പിക്കാനും കഴിയും.”

എല്ലാവരും എന്നെ നോക്കി. പക്ഷെ ഭാനു മാത്രം പല്ലിളിച്ച് കൊണ്ട് എന്നെ നോക്കി. അവന്റെ ആ ചിരി എന്നെയും ചിരിപ്പിച്ചു.

“എന്തെങ്കിലും കാരണം കൊണ്ടാണോ നി ഇവിടെ വന്നത്?” ആരണ്യ മന്ത്ര ഭക്ഷിനി യോട് ചോദിച്ചു.

“അതേ…… വലിയ കാരണം തന്നെ ഉണ്ട്…… പല ലക്ഷം വര്‍ഷങ്ങളായി ഈ ശാപം കൊണ്ട്‌ നടക്കുന്ന ഞങ്ങൾക്ക് അതിൽ നിന്നും വിമോചനം ലഭിക്കാൻ പോകുന്നു….. ജോബിയാണ് എന്നെ ഇവിടെ വിളിച്ച് വരുത്തിയത്…..” മന്ത്ര ഭക്ഷിനി ഉത്സാഹത്തോടെ പറഞ്ഞു.

വാണി പുഞ്ചിരിയോടെ എന്നെ നോക്കി. മറ്റുള്ളവർ ആകാംഷയോടെ എന്നെ നോക്കി.

“നിനക്ക് അതിന്‌ കഴിയുമോ റോബി…..?” ആരണ്യ സംശയത്തോടെ ചോദിച്ചു. “അറോറ യും നത്തോറ യും ഉന്നത ശക്തിയുടെ സഹായത്തോടെയാണ് മന്ത്ര ഭക്ഷിനികളെ മാറ്റിയത്. നീയും നാലായിരം വര്‍ഷം ഉന്നത ശക്തിയുടെ മടിത്തട്ടില്‍ ഉണ്ടായിരുന്നു…. പക്ഷേ, ഉന്നത ശക്തിയെ സ്വാധീനിച്ച് നിനക്ക് മന്ത്ര ഭക്ഷിനികളേ അവരുടെ യഥാര്‍ത്ഥ നിലയില്‍ മാറ്റാൻ നിനക്ക് കഴിയുമോ?”

ഞാൻ ചിരിച്ചു. “ഉന്നത ശക്തിയെ സ്വാധീനിക്കേണ്ട ഒരു ആവശ്യവും എനിക്കില്ല…. മന്ത്ര ഭക്ഷിനികളേ അവരുടെ യഥാര്‍ത്ഥ നിലയില്‍ കൊണ്ടുവരേണ്ടത് ഉന്നത ശക്തിയുടെ കൂടി ആവശ്യമാണ്. പ്രപഞ്ചത്തില്‍ ഉള്ള എല്ലാ സൃഷ്ടികളുടേയും സൃഷ്ടിക്ക് പിന്നില്‍ എന്തോ രഹസ്യ കാരണം ഉണ്ടെന്നാണ് ഞാൻ മനസ്സിലാക്കിയത്….. പക്ഷേ ആ കാരണങ്ങൾ ഉന്നത ശക്തിക്ക് മാത്രമേ അറിയൂ. ഇപ്പോൾ ഉന്നത ശക്തിയുടെ ആവശ്യം മന്ത്ര ഭക്ഷിനികളേ പൂര്‍വ്വ സ്ഥിതിയിലേക്ക് ആക്കുക എന്നതാണ്.”

ഞാൻ പറഞ്ഞത് മനസ്സിലായത് പോലെ എല്ലാവരും തലയാട്ടി.

“വാണി, ഭാനു — നമ്മൾ മൂന്ന് പേരും ചേര്‍ന്ന് വേണം ഇത് ചെയ്യാന്‍.” ഞാൻ പറഞ്ഞു.

വാണി യുടെ മുഖം വിളറി. “എനിക്ക് എന്ത് ചെയ്യാൻ കഴിയും…?”