ചിലങ്ക [ദേവദേവൻ] 90

ചിലപ്പോഴൊക്കെ തോന്നാറുണ്ട് അവൾക്കെന്താ എന്നോടൊന്നു സംസാരിച്ചാൽ ? ഇഷ്ടമുണ്ടെങ്കിൽ തുറന്ന് പറഞ്ഞൂടെ ? ഇനിയിപ്പോ ഇഷ്ടമില്ല എന്നാണോ ? തനിയെ ഓരോന്നായ് ആലോചിച്ചു ചോദ്യങ്ങളുടെ അസ്ത്രങ്ങൾക്കു മുന്നിൽ പകച്ചു നിന്നു.

ഒരു ദിവസ്സം ദേവിക്കു മുന്നിൽ എന്റെ പ്രാരാബ്ധങ്ങളുടെ കെട്ടഴിക്കുമ്പോൾ അവൾ അടുത്ത് വന്നു നിന്നു. തൊട്ടടുത്തു നിന്ന് അവൾ തൊഴുതു നിൽക്കുന്നു . ഒരുവട്ടം ആ മുഖത്തേക്ക് നോക്കി നിന്നുപോയി . ഐശ്വര്യം നിറഞ്ഞു നിൽക്കുന്നു .

” എന്റെ ദേവീ എനിക്ക് തന്നെ ഇവളെ കെട്ടിച്ചു തരണേ …”

ആ സമയം ആ ഒരു പ്രാർത്ഥന മാത്രമേ നാവിലുണ്ടായിരുന്നുള്ളു .

എനിക്ക് വേണ്ടി എന്റെ ആദ്യ പ്രാർത്ഥന. ഇന്നേവരെ എനിക്ക് വേണ്ടി ഞാൻ പ്രാർത്ഥിച്ചിരുന്നില്ല .എന്റെ പ്രാർത്ഥനകളും ആഗ്രഹങ്ങളും എന്റെ പ്രിയപ്പെട്ടവർക്കുവേണ്ടി ആയിരുന്നു .

അവർ സന്തോഷമായി ഇരിക്കുമ്പോൾ എന്റെ മനസ്സും നിറയും .

സ്വാർത്ഥമായി ഒന്നും ആഗ്രഹിക്കാനും ഇല്ല .
എല്ലാം എന്റെ കുടുംബം ആയിരുന്നു . അവരാണ് എന്റെ ലോകം അവിടെ അവളും കൂടി ഉണ്ടായിരുന്നെങ്കിൽ .അതില്പരം ഈയുള്ളവന് മറ്റൊന്നും ഈ നിമിഷം ആഗ്രഹിക്കാനില്ല .

ഓർമ വെച്ച നാൾ മുതൽ ഈശ്വരനെ വിളിക്കുന്നുണ്ട് .ഒരുപാട് തളർച്ചകൾ വന്നാലും കൂടെയുണ്ടാകും എന്ന വിശ്വാസത്തിൽ .

ആദ്യമായി മനസ്സിൽ തോന്നിയ ഇഷ്ടം. അവളെ വിട്ടുകളയരുത് എന്ന് ആരോ മനസ്സിലിരുന്നു പറയും പോലെ . അതുകൊണ്ടാണ് ദേവിയോട് തന്നെ പറഞ്ഞതും .

അന്ന് രാത്രി മറ്റൊരു സ്വപ്നത്തിലൂടെ അവളെ വീണ്ടും കണ്ടു . ക്ഷേത്രത്തിൽ ഞാനും അവളും തൊഴുതു നിൽക്കുന്നു . എന്റെ അമ്മയെയും ഞാൻ കണ്ടു
“എന്റെ മോൾക്ക് സമയമില്ല.”

അമ്മ അവളെ ചേർത്തുപിടിച്ചു എന്നോട് പറയുകയാണ് .