കോഡ് ഓഫ് മർഡർ 5 [Arvind surya] 157

“സൂര്യ ഇതാണ് ഇത് വരെ ഉള്ള കേസിന്റെ ഡീറ്റെയിൽസ്. ഞങ്ങളുടെ കണ്ടെത്തലുകളും പിന്നെ ആ സിസിടിവി വിഷ്വൽസും ലെറ്റേഴ്‌സും എല്ലാം ഇതിൽ ഉണ്ട്. നീ ഇതെല്ലാം വിശദമായി ഒന്ന് നോക്ക്. നാളെ മുതൽ നമുക്ക് തുടങ്ങാം. “

“ശെരി പ്രതാപ്. എന്നാൽ ഞാൻ ഇറങ്ങട്ടെ ഫയൽ ഞാൻ എടുക്കുന്നു. “

“നിന്റെ താമസം ഒക്കെ എവിടെ ആണ് “

പ്രതാപ് ചോദിച്ചു.

“ഉറപ്പിച്ചിട്ടില്ല ഒരു ഹോട്ടൽ കണ്ടെത്തണം. “

“എന്തിനാ വേറെ ഹോട്ടൽ ഒക്കെ. ക്വാട്ടേഴ്സിൽ രാജേഷ് തനിച്ചല്ലെ. നീ ഇവന്റെ കൂടെ നിന്നോ. അതാകുമ്പോൾ ഒഫീഷ്യൽ ഫയൽ പുറത്തു നിന്നും ഒരാൾക്കു കൊടുത്തു വിട്ടു എന്ന പ്രശ്നവും ഇല്ല. നിനക്ക് എന്തെങ്കിലും ബുദ്ധിമുട്ടുണ്ടോ രാജേഷ്?”

“നോ സർ. ഞാൻ അവിടെ തനിച്ചല്ലെ “. 

“എന്നാൽ സൂര്യ നമുക്ക് അങ്ങനെ തീരുമാനിക്കാം. “
*******************************************

അന്ന് രാത്രി രാജേഷിന്റെ ക്വാട്ടേഴ്‌സ്
***************************************
“ഞാൻ വന്നത് രാജേഷിന്  ബുദ്ധിമുട്ടായോ?

“സൂര്യ ചോദിച്ചു.

“നോ സൂര്യ. സംസാരിച്ചിരിക്കാൻ ഒരാളായല്ലോ. ഫയൽസ് മുഴുവൻ നോക്കി കഴിഞ്ഞോ?

“രാജേഷ് ചോദിച്ചു.