കൃഷ്ണവേണി VII (രാഗേന്ദു) 1682

വർഷ താരയോട് പറഞ്ഞപ്പോൾ.. അവളും അത് ശരി വച്ചു.. അവർ അന്വേഷിച്ച് പോയത് കൃഷ്ണയുടെ ടീച്ചേഴ്സിനെ ആണ്..

അവർ അവിടെ നിന്നും ഇറങ്ങി.. കൃഷ്ണയുടെ കോളേജിന് അലോട്ട് ചെയ്തിരിക്കുന്ന ക്ലാസ്‌റൂമുകളിൽ അന്വേഷിച്ചു.. നിരാശ ആയിരുന്നു ഫലം അവിടെ ആരെയും തന്നെ അവർക്ക് കാണുവാൻ സാധിച്ചിരുന്നില്ല..

ഗ്രൂപ്പ് ഡാൻസ് അവതരിപ്പിക്കുന്ന കുട്ടികൾക്കു വേറെ വേദിയിൽ ആയിരുന്നു പ്രോഗ്രാം അവർ റെഡി ആയി അവിടേക്ക് പോയിരുന്നു ..

വർഷയും താരയും തിരിച്ച് അമ്പിളിയുടെ അടുക്കൽ തന്നെ എത്തി.. ബാക് സ്റ്റേജിൽ അവർ കയറിയില്ല.. കാണികളുടെ കൂട്ടത്തിൽ പോയി ഇരുന്നു..

പെട്ടന്ന് ആണ് അവിടേക്ക് പോലീസ് ജീപ്പ് വന്ന് നിന്നത് .. രണ്ട് വനിതാ പോലീസും ഉണ്ടായിരുന്നു ആ കൂട്ടത്തിൽ .. അവർ ഇറങ്ങി അമ്പിളിയെ കുറിച്ച് അന്വേഷിച്ചു.. അവിടെ ഉളളവർ പ്രോഗ്രാം ഇൻചാർജ് ഓഫീസിൽ അന്വേഷിച്ചാൽ അറിയും എന്ന് പറഞ്ഞു.. അവിടെ നിന്ന കുട്ടികൾ അവർക്ക് വഴി പറഞ്ഞ് കൊടുത്തു..

രേവതി ആ നേരം കൊണ്ട് ഡ്രസ്സ് മാറി മിഷേലിൻ്റെ അടുത്ത് എത്തിരുന്നു.. പോലീസ്… ഓഫീസ് റൂമിൽ കയറി വന്നപ്പോൾ മിഷേലും രേവതിയും പരസ്പരം നോക്കി ഒന്നും മനസ്സിലാവാതെ ..

ഇൻചാർജ് പോലീസിനെ കണ്ട് ഞെട്ടി എണീറ്റു..

“എന്താ സർ..? എന്താ പ്രശ്നം..?”

“ഞങ്ങൾ കൃഷ്ണവേണി എന്ന കുട്ടിയുടെ ആക്സിഡന്റ് കേസിന്റെ കാര്യത്തിന് വന്നതാണ്…”

പോലീസ് ഒരാൾ പറഞ്ഞു..

“ങേ.. അവൾക്ക് എന്താ?” എന്താ പറ്റിയത്..??”

മിഷേൽ ആധിയോടെ ചോദിച്ചു..