കൃഷ്ണവേണി VII (രാഗേന്ദു) 1681

അതിൻ്റെ ഇടയിൽ ലിനു ഫോൺ എടുത്ത് പോലീസിനെ അറിയിച്ചു.. അവൻ്റെ അങ്കിൾ ആയിരുന്നു അവിടത്തെ എസ് ഐ.. കുറച്ച് നിമിഷത്തിന് ഉള്ളിൽ തന്നെ പോലീസ് ജീപ്പ് അവിടെ എത്തി..

അവരെ മൂന്ന് പേരെയും ജീപ്പിൽ കയറ്റി കൊണ്ടുപോയി..

ലിനു ചുറ്റും നോക്കി.. ജീപ്പിൻെറ ഡോർ തുറന്ന് നോക്കിയപ്പോൾ അവൾ ബോധം കെട്ട് കിടക്കുന്നത് ആണ് അവൻ കണ്ടത്… നെറ്റിയിലും ഡ്രസ്സിലും ചോര..

“സാം.. ജെറി.. വന്ന് വണ്ടിയിൽ കയറ്.. അവൾ ഇതിൽ ഉണ്ട്.. ഹോസ്പിറ്റലിൽ കൊണ്ടുപോകണം..”

അവൻ പറഞ്ഞപ്പോൾ അവർ ഓടി അവനരികിൽ വന്നു.. സാം വണ്ടി എടുത്തു.. ജെറി മുൻപിൽ കയറി.. ലിനു അവളുടെ കൂടെ പിൻ സീറ്റിൽ ഇരുന്നു.. അവളുടെ തല എടുത്ത് മടിയിൽ വച്ചു.. അടുത്തുള്ള ഹോസ്പിറ്റലിലേക്ക് വണ്ടി ഇരപ്പിച്ചു വിട്ടു..

*****

സ്റ്റേജിൽ ഡാൻസ് അവതരിപ്പിക്കുക ആയിരുന്നു രേവതി.. അവൾക്ക് ശ്രദ്ധിക്കാൻ പറ്റുന്നില്ലായിരുന്നു.. അവളുടെ ചിന്ത മുഴുവൻ വേണിയിൽ ആണ്.. അവൾ ഇതുവരെ എത്തിയില്ലല്ലോ എന്നുള്ള ചിന്ത അവളെ വല്ലാതെ അലട്ടി.. എന്തൊക്കെയോ കാണിച്ചു കൂട്ടി.. ഡാൻസ് കഴിഞ്ഞ് അവൾ സ്റ്റേജിൽ നിന്നും ഇറങ്ങി..

നേരെ പോയത് മിഷേലിൻ്റെ അടുത്തേക്ക് ആണ്.. ഓടുകയായിരുന്നു അവൾ..മിഷേൽ അവിടെ ഗ്രൂപ്പ് ഡാൻസിനു വേണ്ടി പിള്ളേരെ ഒരുക്കാൻ സഹായിക്കുക ആയിരുന്നു.. കൂടെ ഗായത്രിയും ഉണ്ട്..

“മിഷേൽ മാം..!”

കിതച്ചുകൊണ്ടുള്ള അവളുടെ വിളി കേട്ട് മിഷേലും ഗായത്രിയും അവിടേക്ക് നോക്കി..

“ഗായത്രി ഇതൊന്ന് നോക്കണേ..”

മിഷേൽ അത്പറഞ്ഞ് രേവതിയുടെ അടുത്തേക്ക് വന്നു …