കൃഷ്ണവേണി VII (രാഗേന്ദു) 1682

കോളജിലെ ഒറ്റ എണ്ണം നിനക്ക് വേണ്ടി ആണെന്ന് പറഞ്ഞപ്പോൾ തിരിഞ്ഞ് നോക്കിയില്ല.. ആ സർ വന്ന് പറഞ്ഞത് കൊണ്ട് മാത്രം ആണ് എല്ലാവരും സമ്മതിച്ചത്.. നിന്നെ രക്ഷിക്കാൻ..

സർ പറഞ്ഞത് എന്താണെന്നു അറിയുമോ.? ആളുടെ പേര് പറയരുത് എന്ന്…എന്നിട്ടും നിനക്ക് അയാളെ പുച്ഛം.. ഹ്മ്മ്.. നീ പുച്ഛിക്കടീ… ഇപ്പോൾ നീ വീറോടെ പറഞ്ഞ വാക്കുകൾ, നിന്റെ മാനം.. അയാളുടെ ഔദാര്യം ആണെന്ന് വിചാരിച്ചോ..”

അവൻ പല്ല് ഞെരിച്ച് ദേഷ്യത്തോടെ എണീറ്റ് പോയപ്പോൾ അവൾ ഇടി വെട്ടിയത് പോലെ അവിടെ കിടന്നു..

ലിനു പറഞ്ഞ ഓരോ വാക്കും അവളുടെ മനസിലേക്ക് തികട്ടി വന്നു..അവൾ കണ്ണുകൾ ഇറുക്കി അടച്ചിട്ടും അവളുടെ കണ്ണിൽ നിന്നും ജലം ബെഡിലേക്ക് കുത്തിയൊഴുകി… ബെഡ്ഷീറ്റിൽ മുറുക്കെ പിടിച്ചു അവൾ ശബ്ദമില്ലാതെ ഉറക്കെ കരഞ്ഞു…

പുറത്തേക്ക് ഇറങ്ങിയ ലിനു മിഷേലിനോട് വീട്ടിൽ പോയി വരാം എന്ന് പറഞ്ഞു.. അവൻ വണ്ടി എടുത്ത് നേരെ ചെന്നത് ആഷ്‌ലിയുടെ ഫ്ലാറ്റിലേക്ക് ആണ്..

********

ബാൽക്കണിയിൽ ഇരിക്കുക ആയിരുന്നു ഞാൻ.. അപ്പോഴാണ് കോളിംഗ് ബെൽ അടിക്കുന്ന ശബ്ദം കേട്ടത്.. കസേരയിൽ അഴിച്ചിട്ടിരുന്ന ടീ ഷർട്ട് എടുത്ത് ഇട്ടു.. വാതിൽ തുറന്നു.. നോക്കിയപ്പോൾ ലിനു ആണ്..

“ഹേയ് ലിനു.. ഏങ്ങനെ ഉണ്ട് തൻ്റെ ഫ്രണ്ടിന്..?”

ഞാൻ ഒരു ചിരിയോടെ ചോദിച്ചപ്പോൾ അവൻ ഒന്നും മിണ്ടാതെ അവിടെ നിന്നു..

“കോഫി എടുക്കട്ടെ.. മുഖത്ത് നല്ല ക്ഷീണം ഉണ്ട് തൻ്റെ.. ഇന്നലെ ഉറങ്ങില്ല അല്ലേ..!”

ഞാൻ അതുപറഞ്ഞ് കിച്ചനിലേക്ക് നടന്നു..

അവൻ ഒന്ന് മൂളുക മാത്രമേ ചെയ്തുള്ളു..

കോഫീ മേക്കറിൽ കോഫീ ഉണ്ടാക്കി.. രണ്ട് കപ്പുകളിൽ ആയി ഒഴിച്ചു.. ഒരു കപ്പ് ലീനുവിന് കൊടുത്തു.. ഒന്ന് ഞാനും എടുത്തു..

“സർ.. ക്യാൻ ഐ ആസ്ക് യു സംതിംഗ്..”