കൃഷ്ണവേണി VII (രാഗേന്ദു) 1682

മിഷേൽ അത് ചോദിച്ചപ്പോൾ അവൾ ഒന്ന് നോക്കി..

“മാം കയറ്.. ഇതുപോലെ രണ്ടണം വീട്ടിൽ ഉണ്ട്.. അതിൽ ഒന്ന് ഏറ്റെതാണ്..”

അവൾ പറഞ്ഞപ്പോൾ മിഷേൽ പിന്നെ ഒന്നും ആലോചിക്കാതെ അവളുടെ പുറകിൽ കയറി ഇരുന്നു..

അവൾ എൻജിൻ ഓൺ ആക്കി ഗിയർ മാറ്റി വണ്ടി മുൻപോട്ട് എടുത്തു.. മിഷേൽ അവളെ മുറുകെ പിടിച്ചു..

******

നിമിഷ നേരം കൊണ്ട് ഹോസ്പിറ്റലിൽ എത്തി.. വണ്ടി ഗേറ്റ് കടന്ന് പാർക്കിംഗ് ഏരിയയിൽ നിർത്തി..
മിഷേൽ ഇറങ്ങി.. കൂടെ അവളും.. ബൈക്ക് ഓഫ് ആകി.. അവർ അകത്തേക്ക് നടന്നു.. റിസപ്ഷനിൽ ഒരു നഴ്സിനോട് അവർ കാര്യം തിരക്കി..

“കൃഷ്ണവേണി ആക്സിഡൻ്റ് ആയിട്ട്..”

രേവതി അവരോട് ചോദിച്ചപ്പോൾ അവർ മുൻപിൽ ഇരിക്കുന്ന കമ്പ്യൂട്ടറിൽ നോക്കി..

“ഒബ്സർവേഷൻ റൂമിൽ ആണ്.. ഫസ്റ്റ് ഫ്ലോർ ലെഫ്റ്റ്..”

“താങ്ക്യൂ..”

അവർ രണ്ട് പേരും അവിടേക്ക് നടന്നു..

റൂമിന് മുൻപിൽ കസേരയിൽ ജെറിയും സാമും ലിനുവും ഇരിക്കുന്നുണ്ട്..

“ഹേയ് ലിനു.. ”

മിഷേലും രേവതിയും തിടുക്കത്തിൽ അവരുടെ അടുത്തേക്ക് നടന്നു ..

“മാം..”

അവർ മൂന്ന് പേരും എഴുനേറ്റു നിന്നു്..

“എന്താ ഇതൊക്കെ..? അവിടെ പോലീസ് ഒരു കുട്ടിയെ അറസ്റ്റ് ചെയ്തു.. എന്തോ ഗൂഢാലോചന വേണിക്ക് എതിരെ നടത്തിയതിനും.. കൂട്ടുക്കാർ തക്ക സമയത്ത് എത്തിയത് കൊണ്ട് ഒന്നും സംഭവിച്ചില്ല എന്ന്.. നിങ്ങൾ ആയിരുന്നു അല്ലേ..! ഗോഡ് ബ്ലേസ്..
അവർ പറഞ്ഞു വേണി ഹോസ്പിറ്റലിൽ ആണെന്ന്.. അപ്പോഴാ നിൻ്റെ കോൾ വന്നത്…”