കൃഷ്ണവേണി IX[രാഗേന്ദു] 1629

അവിടെ എത്തിയതും രേഷ്മയെ അവൾ കണ്ടു.. ഓടി അടുത്തേക്ക് ചെന്നു..

“എന്താ.. എന്താ പറ്റിയത് അവൾക്ക്..”

അവൾ നിറ കണ്ണുകളോടെ ചോദിച്ചപ്പോൾ അവർ എല്ലാം അവളെ സമാധാനപെടുത്തി.. കാര്യങ്ങൾ പറഞ്ഞു..

“നിനക്ക് വല്ല ക്ലു ഉണ്ടോ ആര എന്നും മറ്റും.. തൻ്റെ ബെസ്റ്റ് ഫ്രണ്ട് അല്ലേ അവൾ.. ഇതിനും മാത്രം ശത്രുത.. ആ കാഴ്ച ഓർക്കാനും കൂടി വയ്യഡോ.. ”

രേഷ്മ രേവതിയോട് ചോദിച്ചപ്പോൾ അവൾക്ക് ഉത്തരം ഇല്ലായിരുന്നു..

“ലിനു.. ലിനുവിനെ വിളിച്ച് അറിയിക്കട്ടെ..”

രേവതി അവരോട് പറഞ്ഞു..

“അവനെ വിളിച്ചിട്ട് എടുക്കുന്നില്ല.. എന്താണാവോ.. അതാ നിന്നെ വിളിച്ചത്.. നി ഒന്ന് വിളിച്ചു നോക്ക്..”

രേഷ്മ പറഞ്ഞപ്പോൾ രേവതി ഫോൺ എടുത്ത് ലിനുവിൻ്റെ നമ്പറിൽ ഡയൽ ചെയ്തു.. അവൻ ഫോൺ എടുത്തു

“ഹലോ ലിനു..”

രേവതി പറഞ്ഞപ്പോൾ അവിടെ നിന്നും ഹലോ എന്ന് മറുപടി അവൾക്ക് കിട്ടി..

അവൾ വിവരം പറഞ്ഞപ്പോൾ മഴയുടെ ശബ്ദം കാരണം അവന് ഒന്നും മനസിലായില്ല.. ഉറക്കെ സംസാരിച്ചപ്പോൾ ഒരു നേഴ്സ് വന്ന് അവളെ ചീത്ത പറഞ്ഞു.. അവൾ ഫോൺ കട്ട് ചെയ്തു ദേഷ്യത്തോടെ.

“ഛെ..! ഇവൻ ഇത്.. അവൻ ഞാൻ പറഞ്ഞത് ഒന്നും മനസിലായില്ല എന്ന് തോന്നുന്നു.. അവിടെ നിന്നും ഹലോ എന്ന് മാത്രം ആണ് പറയുന്നത്..”

അവൾ ദേഷ്യത്തിൽ പറഞ്ഞപ്പോൾ രേഷ്മ അവളെ നോക്കി…

“മഴ അല്ലേ.. അവൻ ചെലപ്പോൾ പുറത്ത് ആവും.. നി കൂൾ ആവ്..”

“ആ.. ടെക്സ്റ്റ് ചെയ്യാം.. കാണുന്നെങ്കിൽ കാണട്ടെ..”

അവൾ അത് പറഞ്ഞ് ടെക്സ്റ്റ് ചെയ്തു ഫോൺ തിരിച്ച് പോക്കറ്റിൽ ഇട്ടു..