കൃഷ്ണവേണി II

Author : രാഗേന്ദു

[ Previous Part ]

ഡിയർ വൻസ്.. കഴിഞ്ഞ ഭാഗത്ത് നിങ്ങൾ തന്ന പ്രോത്സാഹനത്തിനു എത്ര നന്ദി പറഞ്ഞാലും കുറഞ്ഞ് പോവും.. ലവ് അഫ്റ്റ്ർ മാര്യേജ് ഈ തീം ഒരു മോഹം തോന്നി എഴുതി തുടങ്ങിയതാണ്.. മനസിൽ വരുന്നത് എഴുതുന്നു.. നിങ്ങൾ കൂടെ ഉണ്ടാവും എന്ന് പ്രതീക്ഷയിൽ..
അപ്പൊൾ തുടർന്ന് വായ്‌ച്ചൊള്ളു..❤️

അതിൽ നിന്നും ഇറങ്ങിയ ആളെ കണ്ട് അവളുടെ ചുണ്ടുകൾ മെല്ലെ മൊഴിഞ്ഞു…

“ഹരി ഏട്ടൻ..”

****

അവളുടെ മുഖ ഭാവം എന്തെന്ന് എനിക്ക് മനസിലാവുന്നില്ല.. കണ്ണുകളിൽ നിന്നും കണ്ണുനീർ ധാര ആയി ഒഴുകുന്നുണ്ട്… ചുണ്ടുകൾ വിറക്കുന്നു.. നെറ്റിയിലും കഴുത്തിലും വിയർപ്പ് കണങ്ങൾ.. വല്ലാതേ പേടിക്കുന്നത് പോലെ…

ഞാൻ അവളുടെ അച്ഛനും അമ്മയെയും നോക്കി.. അവിടെ സ്ഥിതി മറിച്ച് ഒന്നും അല്ല.. അവർ മുഖത്തോട് മുഖം നോക്കി നിൽക്കുന്നു.. അവരും വല്ലാതെ പേടിച്ചിരികുന്നു..

ഞാൻ ചുറ്റും നോക്കി.. മുൻപിൽ കസേരയിൽ ഇരിക്കുന്ന ആളുകൾ എല്ലാം ആ ജീപ്പ് വന്ന് ഭാഗത്തേക്ക് നോക്കി നിൽക്കുന്നു..

കുറച്ച് പേര് അവന് ചുറ്റും.. പിന്നെ വണ്ടിയുടെ ഭാഗത്ത് ഒക്കെയായി കൂടി നിൽകുന്നുണ്ട്.. കൂടെ മുത്തശ്ശനും..അവർ എന്താ പറയുന്നത് എന്ന് എനിക്ക് മനസ്സിലാവുന്നില്ല…

ഞാൻ എണീറ്റ് നിന്നു.. കൂടെ അവളും.. അതിൽ നിന്നും ഇറങ്ങിയ വ്യക്തിയേ ഞാൻ കണ്ടു.. എൻ്റെ പ്രായം കാണും..മുണ്ടും ഒരു ചുവന്ന ഷർട്ടും ആണ് വേഷം.. മുടി അത് അലസം ആയി ഇട്ടിരിക്കുന്നു.. താടിയും മീശയും ഉണ്ട്…. മുഖത്ത് ഒരു ക്രൂര ഭാവം…. കണ്ടാൽ ലഹരിക്ക് അടിമപെട്ടവനെ പോലെ.. ചുണ്ടിൽ ഒരു സിഗ്ററ്റ്..

അവിന് ചുറ്റും കൂടി നിൽക്കുന്ന ആളുകൾ പറയുന്നത് ഒന്നും അവൻ ശ്രദ്ധിക്കുന്നില്ല.. അവൻ്റെ ശ്രദ്ധ മുഴുവൻ ഞങ്ങളിൽ ആണ്.. പ്രത്യേകിച്ച് അവളിൽ എന്ന് എനിക്ക് തോന്നി ..

ആ സമയം ആണ് എൻ്റെ ഇടതു കയ്യിൽ ഒരു തണുപ്പ് അനുഭവപ്പെട്ടത് … എൻ്റെ ഉള്ളിൽ ഒരു തരിപ്പ് പോലെ… ഞാൻ എൻ്റെ കയ്യിലേക്ക് നോക്കി… അവൾ എൻ്റെ കൈ മുറുകെ പിടിച്ചിരിക്കുന്നു.. എൻ്റെ ഹൃദയം പട പട എന്ന് ഇടിക്കാൻ തുടങ്ങി.. അത് പൊട്ടി തെറിച്ച് പോകുമോ എന്ന് ഞാൻ ഭയന്നു.. എന്തുകൊണ്ടാണ് ഇങ്ങനെ എന്ന ഞാൻ ചിന്തിച്ചു..