കൃഷ്ണപുരം ദേശം 3 [Nelson?] 589

“നിന്റെ അപ്പച്ചി കുറെ കാലത്തിന് ശേഷമല്ലേ ഇങ്ങോട്ട് വന്നത്. അവരെയൊക്കെ കണ്ടിട്ട് കാലം കുറേ ആയില്ലേ….”

” അതെ…. ”

“അപ്പൊ പിന്നെ ഇത് വരെ കാണാത്ത ഈ അപ്പച്ചിയുടെ മോനെ കൊണ്ട് എങ്ങനെയാ നിന്റെ ചേച്ചിയെ കൊണ്ട് കെട്ടിക്കുന്നത്ത്.. അതിന്റെ ഒരിത് എനിക്ക് ഇത് വരെ മനസിലായില്ല….. ”

” ഇതൊക്കെ ഞാനും എല്ലാവരോടും ചോദിച്ചത്താ.. അപ്പച്ചി നാട്ടിലുണ്ടായിരുന്ന സമയത്ത് ഉറപ്പിച്ച ബന്ധമാ ഇത്…. അവര് പോക്കുന്നതിന് മുമ്പ് അമ്മാവനും അപ്പച്ചിയും എന്റെ അമ്മയ്ക്കു അച്ചനും വാക്ക് കൊടുത്തതാണ് അമ്മു അപ്പുവിനുള്ളാത്താണ് എന്നും പറഞ്ഞ്…”

വാക്ക് കൊടുക്കാൻ ഇവരാര് കാഞ്ചനമാലയുടെ മൊയ്തീനോ…

“ഈ വാക്ക് കൊടുക്കുന്ന സമയത്ത് ഈ പിള്ളേർക്ക് എത്രയാ പ്രായം…. ”

” കേട്ടറിവ് വച്ച് ചേച്ചിയ്ക്ക് മൂന്നും അപ്പുവേട്ടന് അഞ്ചും…”

“ഓർമയില്ലാത്ത ഈ പ്രായത്തിൽ കാരണവന്മാർ വലതും പറഞ്ഞെന്ന് കരുതി നിന്റെ ചേച്ചി ഇതുവരെ കാത്തിരുന്നോ….. ”

” എന്റെ ചേച്ചി ആര് എന്ത് പറഞ്ഞാലും വിശ്വസിക്കും. ഇത് പോലെ ഒരു പാവം വേറെ ഉണ്ടാവില്ല. എനിക്ക് ഓർമ വച്ച കാലം തൊട്ട് ഞാൻ പറഞ്ഞ് കേൾക്കുനത്താ എവിടെയോ ഉള്ള ചേച്ചിയുടെ വരുംകാല വരനെ കുറിച്ച്…. അച്ചനും അമ്മയും മുത്തച്ചനും മുത്തശ്ശിയും അങ്ങനെ വീട്ടിലുള്ള എല്ലാരും പറയും അമ്മുവിനെ തേടി രാമൻ സിതയെ അന്വേഷിച്ച് വന്ന പോലെ അപ്പു വരും എന്ന്… ആ പാവം അതൊക്കെ വിശ്വാസിച്ച ഇത്രക്കാലം കാത്തിരുന്നത്. അങ്ങനെ അതിന് കാത്തിരിപ്പ് അവസാനിച്ചു… “