കൃഷ്ണപുരം ദേശം 3 [Nelson?] 589

“ഹലോ അമ്മേ…”

“ഹലോ….. നീ എവിടെത്തി…..”

” വന്നോണ്ടിരിക്കാണമ്മേ….. എന്ത്യേ വിളിച്ചേ….”

“നീ നേരിട്ട് ഇങ്ങോട് തന്നെയല്ലേ വരുന്നേ….”

“അതെ…”

“അതിന് നിനക്ക് വീട് അറിയോ….”

” അവൾ ലൊകേഷൻ അയച്ച് തരാം എന്നു പറഞ്ഞിരുന്നു….”

” എന്നാ ഞാൻ അവളോട് പറയാം. പിന്നെ സൂക്ഷിച് വന്നാമതി…”

“ശരിയമ്മേ…. ഞാൻ വെക്കാട്ടോ….”

ഫോൺ കട്ടാക്കി ഞാൻ ഡ്രൈവിങിൽ ശ്രദ്ധ കൊടുത്തു….. കുറച്ച് കഴിഞ്ഞപ്പോഴെക്കും അച്ചുവിന്റെ മെസേജ് വന്നു…. ലൊകേഷൻ കാറിൽ കണക്ടാക്കി വണ്ടിയോടിച്ചു…..

“ഇയാളും കൃഷ്ണപുരത്തേക്കാണോ….”

“എന്തേ….”

” ഇതിൽ ഡെസ്റ്റിനേഷൻ അവിടെയാണല്ലോ….”

“നിന്റെ നാടാണോ ഇത്….”

എനികൊന്നും അറിയില്ലേ രാമനാരായണ എന്ന ഭാവത്തിൽ ഞാൻ അവൾക് മറുപടി കൊടുത്തു…

“എന്റെ നാട് തന്നെയാ…. ചേട്ടന്റെ നാട് അവിടെയാണോ…”

സത്യം പറയാണോ വേണ്ടയോ.. സത്യം പറഞ്ഞാൽ ഞാൻ നേരത്തെ അവളോട് ചോദിച്ച ചോദ്യങ്ങൾ അവൾ എന്നോട്ട് തന്നെ തിരിച്ച് ചോദിക്കും…. അതിന് മറുപടി അറിയാത്തത് കൊണ്ട് തൽക്കാലം കള്ളം പറയാം…

“ഹേയ്…. എന്റെ നാടൊന്നുമല്ല.. എന്റെ വീട് ചിറ്റൂരാണ്….”

” ഓ…അപ്പോ ചേട്ടന്റെ അമ്മ എന്താ കൃഷ്ണപുരത്ത്….”

അത് എന്റെ അമ്മയുടെ കൂട്ടുകാരിയുടെ മകളുടെ കല്യാണമായിരുന്നു ഇന്നലെ…. ഇനി അവിടെ പോയി അമ്മയെ എടുത്ത് വേണം ചിറ്റൂർ പോവാൻ….”