കൃഷ്ണപുരം ദേശം 3 [Nelson?] 589

” അച്ചു എന്ത്യേ.. കിടന്നോ…..”

” കുറച്ച് നേരം നിന്നേയും കാത്ത് എല്ലാവരും ഇവിടെയിരുന്നതാ…. പിന്നെ വൈകുന്നത് കണ്ടപ്പോൾ എല്ലാരോടും പോയി കിടക്കാൻ പറഞ്ഞു….”

അത് എന്തായാലും നന്നായി.. അല്ലേൽ ഈ നേരത്ത് ഒരു പരിച്ചയപ്പെട്ടൽ ഇനി വയ്യ…..

“നീ കഴിച്ചതാണോ….. ഇല്ലേൽ ഭക്ഷണം അടുകളയിൽ ഉണ്ടാവും…..”

” വേണ്ടാ ഞാൻ വരുന്ന വഴിക്ക് കഴിച്ചതാ.. ഇനി ഒന്നു കുളിച്ച് കിടന്നാ മതി……”

” എന്നാ ബാഗ് എടുത്ത് വാ…. റൂം കാണിച്ച് തരാം….”

അതും പറഞ്ഞ് പിതാശ്രീ മുമ്പിൽ കോണി കേറി നടന്നു. ഞാൻ ബാഗും എടുത്ത് മൂപ്പരുടെ പിന്നാലെയും. മുകളിലെ നിലയിൽ കുറേ വാതിലുകളുണ്ട്. ഇതൊക്കെ റൂമാണോ എന്ന സംശയം വന്നെങ്കിലും ഞാൻ അച്ചനോട് ചോദിച്ചില്ല. വീട് ഒരു നാലുകെട് മോഡലാണ്. മുകളിൽ നിന്ന് നോക്കിയാൽ നടുമുറ്റം കാണാം. നടന്ന് നടന്ന് അവസാനം അച്ചൻ ഒരു മുറി കാണിച്ച് തന്നു.

“ഇതാ ഇനി നിന്റെ റൂം… റൂമിൽ തന്നെ ബാത്ത്റൂമും ഉണ്ട്.. കുളിച്ച് കിടന്നോ”

“ശരി അച്ചാ.. ഇനി അച്ചൻ പോയി കിടന്നോ”

“ആഹ്”

അതും പറഞ്ഞ് അച്ചൻ തിരിച്ച് നടന്നു. ഞാൻ റൂമൊക്കെ ഒന്നു നീരീക്ഷിച്ച് അകത്തോട്ട് കേറാൻ നിന്നത്തും അച്ചൻ വീണ്ടും വിളിച്ചു.

” അപ്പു….”

“എന്താ അച്ചാ….”

“നിനക്ക് പല സംശയങ്ങളുണ്ടെന്ന് എനിക്കറിയാം… അതൊക്കെ അച്ചനും അമ്മയും നിനക്ക് പറഞ്ഞ് തരികയും ചെയ്യും…. പക്ഷേ ഇതൊന്നും മനസിൽ വച്ച് ഇവിടെയുള്ളവരോട് പെരുമാറരുത്….”

“എന്താച്ചാ.. അച്ചൻ അങ്ങനെയാണോ എന്നെ മനസിലാക്കിയിരിക്കുന്നത്…..”