കുരുതി? [ മണവാളൻ ] 103

 

“എന്താടാ നാറി ….ഉറങ്ങാനും സമ്മതിക്കില്ലേ”

ഉറക്കം കളഞ്ഞതിൻ്റെ ദേഷ്യത്തിൽ അവൻ ചോദിച്ചു…..

 

 

“അങ്ങോട്ട് എണീക്കടാ പോത്തേ….”

 

“നിനക്ക് പറയാൻ ഉള്ളത് പറഞ്ഞു തൊലക്ക്” അവൻ വീണ്ടും കലിപ്പ്

 

“ഡാ നാളെ ഉപ്പാടെ ആണ്ടാണ് നാളെ എൻ്റെ കൂടെ വരണേ.. എന്നെ കൊണ്ട് ഒറ്റക്ക് നടക്കില്ല..”

 

“അഹ് ഡാ വരാം …. ഇനി എങ്കിലും ഞാൻ ഒന്ന് ഉറങ്ങിക്കൊട്ടെ”

 

ഈ സമയം തന്നെ അമ്മയും അങ്ങോട്ട് വന്നു…..

 

 

അമ്മ : ” അങ്ങോട്ട് എഴുന്നേൽക്കടാ , ഉച്ച ആകാറായി …..ഇന്നാ ഈ ചായ കുടി”
അമ്മ തുടർന്ന്

 

 

” നീയിങ്ങനെ പാർട്ടി കളിച്ച് നടന്നോ ….ഒള്ള ജോലിയും കളഞ്ഞ് …..”

 

അമ്മയുടെ സ്ഥിരം പല്ലവി തുടങ്ങിയപ്പോൾ അമ്മയെ ഞാൻ തന്നെ വിലക്കി ….

 

 

” അമ്മ ചെല്ല് ഇവനെ ഞാൻ പൊക്കിക്കോളാം….. പിന്നേ നാളെ രാവിലെ വീട്ടിലേക്ക് വന്നേക്കണെ”

 

 

“ആഹ് മോനേ വരാം… നീ അവനെ ഒന്ന് പൊക്ക് നാട് തെണ്ടാൻ പോകണ്ടത് അല്ലേ .” മറുപടിയും പറഞ്ഞു അമ്മ പോയി..

 

” ഡാ അളിയാ ഇന്നലെ മീറ്റിംഗിൽ എന്നെ സ്റ്റേറ്റ് കമ്മിറ്റി അംഗമായി തിരഞ്ഞെടുത്തു .
ഇനി ഒരു വിലസുണ്ട് മോനേ…”

 

കണ്ണൻ നല്ല സന്തോഷത്തിൽ ആണ്

 

” ആഹാ കോളടിച്ചല്ലോ…. ചെലവ് വേണം…. ഹാ നീ കേറി പോ എന്നെ ഇവന്മാര് ജില്ലാ വിട്ടു പോകാൻ സമ്മതിക്കില്ല…
എന്നാ ഞാൻ ഇറങ്ങുവാ കടയിലോട്ട് ചെല്ലട്ടെ . പിന്നെ നാളത്തെ കാര്യം മറക്കണ്ട”

 

” ഇല്ലടാ ഞാൻ രാവിലെ അങ്ങ് വരാം ”

 

അവനും എൻ്റൊപ്പം ഉമ്മറത്തേക്കിറങ്ങി.
ആസമയം തന്നെ ഉണ്ണിയും എത്തി. ഈ ഉണ്ണിയും ഞങ്ങടെ ഒരു ചങ്ങായി ആണ് , കണ്ണൻ്റെ പാർട്ടി ചങ്ക്.

 

“ഹാ ശാനൂ കാക്കാ… എന്തല്ല…പുതിയ പാർട്ടി രൂപീകരിക്കാൻ വല്ല തീരുമാനവും ഉണ്ടോ..”
ഉണ്ണി പറഞ്ഞു..
ആളൊരു പാവം ആണെങ്കിലും എന്നെ കാണുമ്പോൾ എന്തെങ്കിലും ഇളക്കി ചോദിക്കണം അതവൻ്റെ ശീലം ആണ്..

 

” അതയെട ഉണ്ട് …. അടുത്ത ഇലക്ഷന് നിന്നെ നിർത്തിയാൽ എന്ന് ആലോചിക്കുവാണ് … അതാകുമ്പോൾ നാട്ടിലെ പ്രധാനി കോഴിക്ക് വോട്ട് കിട്ടാതിരിക്കില്ല…”

 

കൊട്ടാൻ വന്നവനെ തട്ടി എന്ന് പറയ്പോലെ അവനെ സൈഡാക്കി….

 

കണ്ണൻ: കിട്ടിയോ

 

ഉണ്ണി: ഇല്ല , ചോദിച്ച് മേടിച്ചു….

 

“എന്നാ ശരിയടാ…”
അവനോടും യാത്ര പറഞ്ഞു അവിടെ നിന്നും ഇറങ്ങി….. നേരെ കടയിലേക്ക് വിട്ടു…

 

ഉപ്പ മരിച്ചു കഴിഞ്ഞു കുടുംബം നോക്കേണ്ട ചുമതല എനിക്ക് ആയപ്പോൾ loan എടുത്തും കടം വാങ്ങിയും തുടങ്ങിയ ചെറിയ ഒരു ബേക്കറി ഉണ്ട്… ഒരു കോളജിൻ്റെ അടുത്ത് തന്നെ അതുകൊണ്ട് വലിയ നഷ്ടം ഇല്ലാതെ പോകുന്നു ….