കറുത്ത ഇരുൾ -2 [മാലാഖയെ പ്രണയിച്ച ജിന്ന്] 202

ഇലക്കീറിൽ പ്രസാദവും വാങ്ങി ഭഗവാനെ ഒന്ന് കൂടെ തൊഴുതു ഞാൻ വീട്ടിലേക്ക് തിരിച്ചു…

വീട്ടിൽ എത്തിയതേ കാണുന്നത് അമ്മ അടുക്കളയിൽ ഭക്ഷണം  തയ്യാറാക്കുന്ന തിരക്കാണ്. എത്ര വൈകി കിടന്നാലും കൃത്യ സമയത്ത് അമ്മ എഴുന്നേൽക്കും…. കുളിച്ചു പൂജമുറിയിൽ വിളക്ക് വെച്ചതിനു ശേഷം മാത്രമേ അമ്മ അടുക്കളയിൽ കയറൂ….
വീട്ടുജോലിക്ക് ആളെ വെക്കാം എന്ന് അച്ഛൻ പറഞ്ഞതാ… പക്ഷെ, മൂപ്പത്തിക്ക് അത് പറ്റൂല പോലും.. സ്വന്തം വീട്ടിൽ ഭക്ഷണം താൻ തന്നെ വെച്ചുകൊള്ളാം എന്നാ പറഞ്ഞെ….
അമ്മ എന്ത് ഭക്ഷണം വെച്ചാലും ഒടുക്കത്തെ രുചിയാണ്… കറിച്ചട്ടിയിൽ കറി കാലമാകുമ്പോൾ ഒരു മണം വരാനുണ്ട്…. ഹോ…!

“ഹാപ്പി വെഡിങ് ആനിവേഴ്സറി അമ്മേ….

വീട്ടിനകത്തേക്ക് കയറി കയ്യിലുള്ള ഇലച്ചീന്തിൽ നിന്ന് അൽപ്പം ചന്ദനം എടുത്ത്  അമ്മയുടെ നെറ്റിയിൽ ചാർത്തി ഒരു ഉമ്മയും കൊടുത്ത് ഞാൻ ബാക്കിയുള്ളത് പൂജമുറിയിൽ കൊണ്ട് പോയി വെച്ചു.

” ഇന്ന് നല്ല സന്തോഷത്തിൽ ആണല്ലോ എന്റെ മണിക്കുട്ടൻ….

“ആ…. അതൊക്കെ ഉണ്ട്… എല്ലാവരോടും ഒരുമിച്ചു പറയാം….

“എന്താടാ വല്ല ലോട്ടറിയും അടിച്ചോ…?

“അതിലും വലതാ ……

അപ്പോഴാണ് ഞാൻ ആ കാഴ്ച കണ്ടത്….

തുടരും….