കമ്പത്തെ കല്യാണം (ജ്വാല ) 1301

ആണും, പെണ്ണും, വൃദ്ധരും എല്ലാം ആവേശപൂർവ്വം ബസിലേക്ക് ചാടി കയറി,
അവരുടെ ഇടയിലൂടെ ഞാനും ഭീകരന്മാർ അതിർത്തി നുഴഞ്ഞു കയറുന്നത് പോലെ ഞാനും നുഴഞ്ഞു ബസിനുള്ളിൽ എത്തി,

പലരുടെയും വായിലെ വെറ്റിലമുറുക്കും, വിയർപ്പും ഒക്കെ കൂടി കലർന്ന് മറ്റൊരു ഗന്ധം ബസിനുള്ളിലാകെ വ്യാപിച്ചു കിടക്കുന്നു.

അടുത്തിരുന്ന ആളോട് ഞാൻ ചോദിച്ചു

“സാർ… ഇന്ത ബസ് എപ്പ കമ്പം എത്തും?

മേശിരി പണിക്ക് തമിഴ് നാട്ടിൽ നിന്ന് വരുന്ന ആളുടെ മലയാളം പോലെ എന്റെ തമിഴ് തോന്നിക്കുന്നു,

അത് വന്ത് തമ്പി അരമണിക്കൂർ പോതും…

ഓരോ കാഴ്ചകളും വിഭിന്നമാണ്, രണ്ടു ബസ്സുകളിൽ രണ്ടു സംസ്ക്കാരം,

അങ്ങനെ കുറച്ചു സമയം കഴിഞ്ഞപ്പോൾ കമ്പം ബസ്റ്റോപ്പിൽ വണ്ടി നിർത്തി,
ഉള്ളിലേക്ക് കയറിയ പോലെ പുറത്തേയ്ക്ക് ഇറങ്ങാനും ഒരു യജ്‌ഞം തന്നേ നടത്തേണ്ടി വന്നു.

ഇനി എങ്ങോട്ടാണ്?

ചുറ്റും ഒന്ന് നോക്കി അഡ്രസ്സ് ഒന്ന് നോക്കി

“പുതുപ്പള്ളി വാസൽ തെരുവ് ”

ആരോടാ ഒന്ന് ചോദിക്കുക?

എല്ലാ നാട്ടിലെയും എന്ന പോലെ ഓട്ടോക്കാർ തന്നേ ബെസ്റ്റ്, ഓട്ടോ സ്റ്റാൻഡ് ലക്ഷ്യമാക്കി നടന്നു,

സാർ, പുതുപ്പള്ളി വാസൽ തെരുവ് പോകുമാ?

വാങ്ക സാർ,

ഓട്ടോക്കാരൻ വേഗം ആനയിച്ചിരുത്തി,
കിക്കർ അടിക്കുന്നതിനു മുന്നേ പറഞ്ഞു,

സാർ.. അത് വന്ത് നൂറു രൂപ ആക്കും, ഉങ്കൾക്ക് പ്രോബ്ലം ഒന്നുമില്ലയെ?

കൊഞ്ചം അഡ്ജസ്റ്റ് പണ്ണുങ്ക സാർ,

ഇല്ലാ സാർ റൊമ്പ ദൂരം കെടയ്ക്കും,

എന്റെ ആവനാഴിയിലെ അസ്ത്രം എല്ലാം തീർന്നത് കൊണ്ട് കൂടുതൽ തമിഴ് പറഞ്ഞു അണ്ണാച്ചിയെ ബുദ്ദിമുട്ടിക്കുന്നത് ശരിയല്ലല്ലോ..

ഒക്കെ സാർ,