---

ഓർമകൾ

By demon king

---

പുത്തൻ ഷർട്ടും ജീൻസ്‌ ഫാന്റും ഇട്ടുകൊണ്ട് ഞാനാ സ്കൂൾ ഗൈറ്റിന് മുന്നിൽ ബസ്സിൽ വന്നിറങ്ങി.

അന്നത്തെ ദിവസം ഒരു വല്ലാത്ത ദിവസം തന്നെ ആയിരുന്നു….

8 ആം ക്ലാസ്സിലേക്ക് ഞാൻ കാലെടുത്തു വച്ച ദിനം…
കൂടാതെ ലൈനിൽ ഓടുന്ന 2 ബസ്സുകൾ പണി മുടക്കിയ ദിവസം…
നല്ല ഒന്നാംതരം ദിവസം…

അതോണ്ട് ബസ്സിൽ ഒക്കെ ഒടുക്കത്തെ തിരക്ക് ആയിരുന്നു….
ഞാനും എന്റെ വാല് ജസ്റ്റിനും തൂങ്ങി പിടിച്ചാണ് വന്നത്….

അതോണ്ട് വലിയ റോയൽ എൻട്രി ഒന്നും ഉണ്ടായില്ല…

ഞങ്ങൾ നേരെ സ്കൂൾ അസംബ്ലീ കൂടുന്ന ഇടത്തേക്ക് പോയി….

കൊറേ പരിചിത മുഖങ്ങൾ….
കൊറേ അപരിചിത മുഖങ്ങൾ….
പല സ്കൂളിൽ നിന്നും വന്നവർ….

നമ്മൾ ആരെയും ശ്രദ്ധിക്കാതെ എന്റെ പാടും നോക്കി പോയി….

ഹെഡ് മാഷ് കുട്ടികളെ എല്ലാം വരി നിർത്തി….
എന്നിട്ട് പേര് വിളിക്കാൻ തുടങ്ങി….
ഓരോ ഡിവിഷനിലേക്കും സെക്കന്റ് language പ്രകാരം  ആണ് നിയമിച്ചിരുന്നത്….

A , B ,C  ഡിവിഷനുകളുടെ പേര് വിളിച്ച് കഴിഞ്ഞു…
അതിലൊന്നും എന്റെ പേര് ഉണ്ടായിരുന്നില്ല….
ജസ്റ്റിൻ A ഗ്രൂപ്പിലേക്ക് പോയി…..
കാരണം അവൻ സംസ്‌കൃതം പഠിക്കുന്ന നാറി ആയിരുന്നു….😂😂😂

ഞാൻ മലയാളവും….

പേര് വിളിക്കാത്തവർ ഒക്കെ D ക്ലാസ്സിൽ ഉൾപ്പെടുത്തി…..

അങ്ങനെ ഞാൻ 8 D ആയി….

പിന്നെ Eയും Fഉം ഡിവിഷൻ ഉണ്ട്…
പക്ഷെ അതൊക്കെ ഇംഗ്ലീഷ് മീഡിയം ആണ്….

ഞാൻ എന്റൊപ്പം പഠിച്ച ചില കൂട്ടുകാർക്കൊപ്പം D ഡിവിഷനിലേക്ക് പോയി….
ആകെ 7 പേര് മാത്രമേ ഞാൻ പഠിച്ച സ്കൂളിലെ ഉള്ളു…. ബാക്കി ഒക്കെ എവിടെയോ ഉള്ളവർ ആണ്…..

കൂടാതെ ഞങ്ങളുടെ ക്ലാസ് സർ ആരെന്ന വിവരവും അറിഞ്ഞു….

ഹിന്ദി അധ്യാപകനായ മഹേഷ് മാഷ്…

ഫുൾ സാഡ് ആയിന്ന് പറഞ്ഞാൽ പോരെ….
പുള്ളി പേര് കേട്ട അധ്യാപകൻ ആണ്….
ഈ പേര് കേട്ട ആദ്യപകർ എങ്ങനെ ആണെന്ന് പറയണ്ടല്ലോ….

നല്ല തല്ല് തരുന്ന ഇനമാ…..

വന്ന് കേറിയത് കടുവ കൂട്ടിൽ ആണല്ലോ ഭഗവാനെ….

അങ്ങനെ ക്ലാസ്സിൽ എത്തി….
പിന്നെ സാറിന്റെ ഒരു ഓഫർ ഉണ്ടായി….
വേണമെങ്കിൽ ക്ലാസ്സ് മാറാം….
അതും A അല്ലെങ്കിൽ B ക്ലാസ്സിലേക്ക്….
അവിടെ നിന്ന് പകരം ഇങ്ങിട്ട് ആരെങ്കിലും വരാൻ ഉണ്ടെങ്കിൽ മാത്രം….

അത് കേട്ടതും ഒരു ചെറിയ ആശ്വാസം തോന്നി…
പക്ഷെ അതെല്ലാം താൽക്കാലികമായിരുന്നു……

സർ എന്നെ ഉടുമ്പ് പിടിക്കും പോലെ പിടിച്ചു വച്ചിരിക്കാ…..
എന്താണെന്ന് മാത്രം മനസ്സിലായില്ല….
എല്ലാരേയും വിട്ടു… എന്നെ മാത്രം വിട്ടില്ല…..

അൽപ്പം കഴിഞ്ഞിട്ട് ആണേലും ഞാനാ സത്യം അറിഞ്ഞു… മഹേഷ് സർ എന്റെ അച്ഛന്റെ ഒപ്പം പഠിച്ച ഉറ്റ ചങ്ങാതി ആണ്…..