പറയുമ്പോൾ പ്രവാസി നാട്ടിൽ നിന്നും കടവും കടത്തിൽ മേൽ കടവുമായി ആകെയുള്ള 10 സെൻറ് സ്ഥലവും പണയംവെച്ച് ഗൾഫിലേക്ക് പോകുമ്പോൾ ഒരു ആഗ്രഹമേ ഉണ്ടായിരുന്നുള്ളൂ. നല്ലൊരു വീട് വെക്കണം ഭാര്യയെയും കുട്ടികളെയും നല്ലതുപോലെ നോക്കണം. ജോലിക്ക് കയറി മിച്ചം പിടിച്ച് പൈസ നാട്ടിൽ അയച്ചു കൊടുക്കുന്നു നല്ല ഭക്ഷണം പോലും കഴിക്കാതെ കുബൂസും തൈരും പച്ചമുളകും മാത്രം കഴിച്ചു ഉള്ള പൈസ മുഴുവൻ നാട്ടിലേക്ക് അയക്കുന്നു. പറയുമ്പോൾ പ്രവാസി രാത്രി മുഴുവൻ ജോലി ചെയ്തു പൈസ മുഴുവൻ നാട്ടിലേക്ക് അയക്കുന്നു ഭാര്യക്കും മക്കൾക്കും വേണ്ടി.

പക്ഷേ ആരും ഓർക്കാതെ പോകുന്ന ഒന്നുണ്ട് ഈ പൈസയുടെ ഭൂരിഭാഗവും അവരുടെ കടം തീർക്കാൻ ആണ് ഉപയോഗിക്കുന്നത് എന്നുള്ള കാര്യം. മിച്ചം വരുന്ന പൈസ കൊണ്ട് ഒരു മാസത്തിലെ രണ്ടറ്റവും കൂട്ടിമുട്ടിക്കാൻ പാടുപെടുന്ന ഭാര്യ. അവർക്ക് വിഷുവും ക്രിസ്മസും ഓണവും എല്ലാം ഒരുപോലെയാണ്.
അങ്ങനെ ഒരു വിഷുക്കാലം കൂടി വന്നു.

“ നാളെ വിഷു അല്ലിയോ”

“Mmm അതെ”

“വിഷുക്കണിക്കുള്ള സാധനം വാങ്ങിയോ”

“Mmmm”

“എന്നാൽ ശരി ഞാൻ ഡ്യൂട്ടിക്ക് പോട്ടെ പിന്നെ വിളിക്കാം”.

“അമ്മേ നമുക്ക് വിഷുക്കണി ഒരുക്കണ്ടേ ”

“ അതിനു ഒരുക്കാൻ ഒന്നും ഇല്ല മോളെ “

“എല്ലാവരുടെയും വീട്ടിൽ വിഷുക്കണി ഒരുക്കുന്ന ഉണ്ടല്ലോ”

“ നമുക്ക് അടുത്ത വെട്ടം ഒരുക്കാം നാളെ രാവിലെ കൃഷ്ണൻറെ അമ്പലത്തിൽ പോയി

കണി കാണാം. അച്ഛൻ വിഷുക്കണി ഒരുക്കിയ എന്ന് ചോദിച്ചാൽ ഒരുക്കി എന്നെ മോള് പറയാവൂ.”

( പാവം കുട്ടി അവൾക്കു അറിയില്ലല്ലോ മാസം അവസാനം ആയതിനാൽ ഒരു രൂപ പോലും കയ്യിൽ കാണുന്നില്ലെന്ന്. എത്രയെന്ന് വെച്ചിട്ട് കടം വാങ്ങുന്നത്.)

ഇന്ന് വിഷു.

മോളെ എഴുന്നേൽക്ക് കണി കാണണ്ടേ. വിളക്കുകൊളുത്തി കണിക്കൊന്നപ്പൂ കൊണ്ട് അലങ്കരിച്ച പൂജാമുറി. ഒരു നാഴിയിൽ അരിയും ഒരു കുഞ്ഞു ചക്കയും ഒരു രൂപ നാണയം വും മാത്രമുള്ള ഒരു കുഞ്ഞു കണി. അതുകാണുമ്പോൾ ആ കുട്ടിയുടെ മനസ്സ് ഉണ്ടാവുന്ന ആ സന്തോഷം മതി അമ്മയ്ക്ക് വിഷുക്കൈനീട്ടമായി.

മിക്കവരിലും ഒരു വിചാരമുണ്ട് ഒരു പ്രവാസിയുടെ വീട്ടിൽ എല്ലാ ആഘോഷവും ആഘോഷിക്കുമെന്ന്. എന്നാൽ അവരറിയുന്നില്ല ചിലരുടെ വീട്ടിൽ അന്ന് ചിലപ്പോൾ പച്ച ചോറും മുളകുപൊടിയും ഉപ്പും മാത്രമേ കാണുമെന്ന്.