ഒന്നും ഉരിയാടാതെ 3 [നൗഫു] 4841

പത്താം ക്ലാസ്സിൽ പഠിക്കുമ്പോൾ ആയിരുന്നു ആദ്യമായിട്ട് ഒരാളോട് ഇഷ്ടം തോന്നിയത്… ഫാത്തിമ … അതായിരുന്നു അവളുടെ പേര്… ഒരു ഇരുനിറമുള്ള പെൺകുട്ടി… അവളെ സ്വന്തമാക്കാൻ ഒരുപാട് കൊതിച്ചിരുന്നു…

ഭൂരിപക്ഷം ആൺകുട്ടികളെയും പോലെ അവൾ പോകുന്ന വഴിയിലൂടെ കറങ്ങി എന്നല്ലാതെ ഒരു വട്ടം പോലും എന്റെ ഇഷ്ടം അവളെ അറിയിക്കാനുള്ള ധൈര്യം മനസ്സിൽ വന്നില്ല… അവസാനം അത് തന്നെ സംഭവിച്ചു.. വഴിയിൽ വെച്ച് കണ്ട ആരോ വന്ന്, അവളുമായുള്ള നിശ്ചയം നടത്തി… രണ്ട് കൊല്ലം കഴിഞ്ഞു കല്യണം…

വീണ്ടും അവസരം കിട്ടി.. പക്ഷെ മറ്റൊരാൾ സ്വന്തമാക്കാൻ ആഗ്രഹിച്ചു ഉറപ്പിച്ച പെണ്ണിനെ തട്ടിയെടുക്കുന്നത് ശരി അല്ലെന്ന് തോന്നി.. ആ ചാപ്റ്റർ അവിടെ അവസാനിച്ചു.. പിന്നെ പ്രണയം കോപ്പ് ഒന്നും മനസ്സിലേക് വരുവാനുള്ള അവസ്ഥ മാറി..  ജീവിതം മറ്റൊരു വഴിതിരിവിലേക് ഓടി തുടങ്ങി..

❤❤❤

“ബാവ…”

“ഹ്മ്മ്…”

“നിനക്ക് എന്നോട് ദേഷ്യമുണ്ടോ..”

എന്റെ തോളിലേക് കൈ വെച്ച് വിറയാർന്ന ആ കൈകളോടെ ഉപ്പ എന്നോട് ചോദിച്ചു…

“ഇല്ല ഉപ്പ… എന്നെ നിങ്ങൾ അവിശ്വസിച്ചില്ലല്ലോ.. അത് മതി… ഉപ്പ… ഞാൻ നാജിയയുടെ വിവാഹം മുടക്കാൻ ഒന്നും ചെയ്തിട്ടില്ല…”