ഒന്നും ഉരിയാടാതെ 24 [നൗഫു] 4869

“എടി.. അതിന് നിന്നെ ഉമ്മ വിട്ടത് എന്തിന്.. നീ ചോദിച്ചത് എന്ത്..”

“അത് എനിക്ക് ആ സമയമാണ് ഓർമ്മ വന്നത് അത് കൊണ്ട് ചോദിച്ചത് അല്ലെ…”

“എന്നിട്ട്,.. നിന്റെ പിണക്കം മാറിയോ..”

“എനിക്ക് പിണക്കം ഒന്നുമില്ല.. നീ രാവിലെ ചെയ്തത് ഓർത്തപ്പോൾ ചോദിക്കാൻ തോന്നി അത്ര ഉള്ളു..”

“എടൊ.. അത് രാവിലെ ഞാൻ എഴുന്നേറ്റപ്പോൾ നീ നല്ല സുഖമായി ഉറങ്ങേനി.. അതും നല്ലത് പോലെ പുതച്ചു മൂടി ഏതോ നല്ല ഒരു സ്വപ്നവും കണ്ട്… അന്നേരം എനിക്ക് നിന്നേ വിളിക്കാന്‍ തോന്നിയില്ല… പിന്നെ ഞാൻ ആ സമയം പുറത്തേക്ക് പോകുകയല്ലേ.. പിന്നെ എന്റെ പെണ്ണിനെ വെറുതെ എഴുന്നേൽപ്പിച്ചിട്ട് എന്താ കാര്യം…”

മനസിൽ ഞാൻ പറയുന്നത് കള്ളമാണെന്നുള്ള ഉറപ്പോട് കൂടി തന്നെ അവളോട്‌ പറഞ്ഞു.. അല്ലാതെ ഇന്നലെ രാത്രിയിൽ അവൾ ഉറക്കത്തിന്റെ ഇടയിൽ പറഞ്ഞത് എനിക്ക് ചോദിക്കാൻ തോന്നിയില്ല എന്ന് തന്നെ ആയിരുന്നു സത്യം.. അവളെ എനിക്ക് അജ്മലിന് വിട്ടു കൊടുക്കാന്‍ തോന്നുന്നില്ല.. എന്റെ പെണ്ണാ.. എന്റെ മാത്രമാണ് നാജി..

❤❤❤❤

“എന്റെ ഡോക്ടറെ.. ഇങ്ങക്ക് പെട്ടന്ന് ജോലിക്ക് പോകാൻ തുടങ്ങിക്കൂടെ.. എന്നാൽ പിന്നെ ഈ കുഴപ്പം ഇല്ലല്ലോ ഞാൻ ഒരു ചിരിയോടെ പറഞ്ഞു..”