ഒന്നും ഉരിയാടാതെ 24 [നൗഫു] 4869

“ടാ..”

നാജി എന്നെ വീണ്ടും തട്ടി വിളിച്ചു…

“ഞാൻ ചോദിച്ചതിനു ഉത്തരം കൊണ്ട…”

“ഇത് നല്ല ചേലായി, എനിക്ക് വീട്ടിൽ നിന്നും ഒന്ന് പുറത്തേക്കു പോകുവാനും പാടില്ലേ..ഞാൻ അവളുടെ ചോദ്യം ചെയ്യൽ ഇഷ്ട്ടപെടാത്തത് പോലെ പറഞ്ഞു..”

“എന്ന.. നീ പറയണ്ട.. കുറച്ചു ദിവസമേ ആയിട്ടുള്ളു എങ്കിലും എന്നും രാവിലെ എന്നെ ഉണർത്തി ഒരു ചായ എന്റെ കയ്യിൽ നിന്നും വാങ്ങി പോകുന്ന ആളാണ്.. ഇന്നൊരു മാറ്റം കണ്ടപ്പോൾ ഞാൻ ചോദിച്ചു.. ഇനി ചോദിക്കൂല പോരെ..”

അവൾ തിരികെ നടന്നു…

ഞാൻ അവൾ പോകുന്നതും നോക്കി അങ്ങനെ നിന്നു.. സത്യം പറയണോ എന്നറിയാതെ..

എന്നാലും അവളുടെ ഉള്ളിൽ എന്നെ ഇഷ്ട്ടപെടുന്നതിനേക്കാൾ കൂടുതൽ അജ്‌മൽ ഉള്ളത് കൊണ്ടല്ലേ അവളുടെ നാവ് സത്യം പറഞ്ഞത്.. ഞാൻ എന്റെ മനസിൽ തന്നെ പറഞ്ഞു.. അത് മാത്രമല്ല എന്നെ നാജി ഇഷ്ടപ്പെടുന്നു എന്ന് ഒരു നേരം പറഞ്ഞിട്ടുണ്ടോ.. ഇല്ല… അതും ഇല്ല…

ഞാൻ അവളുടെ പിറകെ ആയി അടുക്കളയിലേക് നടന്നു… ഉമ്മ അടുക്കളയിൽ മേശയുടെ അടുത്തായി ഇരിക്കുന്നുണ്ട്…

“എന്താടാ. ഇവിടെ..”