ഒന്നും ഉരിയാടാതെ 22 [നൗഫു] 4856

“എന്താടാ ഒരു പക്ഷെ…”

“നീ ഇന്നലെ ഇവിടെ വന്നിരുന്നില്ലേ രാത്രി. ആ സമയം നിന്നോട് അവൻ അടുത്ത് നിന്ന് സംസാരിക്കുന്നതും നിന്നെ കെയർ ചെയ്യുന്നതുമെല്ലാം കണ്ട് ഇവിടെ ഉള്ള കുറച്ചു ബന്ധുക്കളും നിങ്ങൾ തമ്മിൽ വേറെ എന്തോ കാര്യമായി ഉണ്ടെന്ന് അടക്കം പറയുന്നുണ്ട്…”

“എന്റെ റബ്ബേ.. ഞാൻ എന്താണ് ഈ കേൾക്കുന്നത്,.. എടാ. എന്നിട്ടും നിങ്ങൾക്കൊന്നും അത് തിരുത്താൻ കഴിഞ്ഞില്ലേ.. ഇനി ഞാൻ എങ്ങനെ അവന്റെ വീട്ടുകാരുടെയും പെങ്ങന്മാരുടെയും മുഖത്തേക്ക് നോക്കും..”

നാജി അതും പറഞ്ഞു കണ്ണിൽ വെള്ളം നിറച്ചു..

❤❤❤

ശരിക്കും അവർ പറയുന്നത് ഒന്നും കൂടുതലായി എനിക്ക് മനസിലാക്കാന്‍ൻ കഴിയുന്നില്ല.. കല്യാണം മുടക്കാൻ ഒരു കളി കളിച്ചു എന്നെ ഉള്ളു.. അതിന് നാജി എന്തിനാ കരയുന്നത്.. എന്റെ മനസിൽ ആ സമയം അതായിരുന്നു…

❤❤❤

“എടി ഞാൻ നിന്നെ വിഷമിപ്പിക്കാൻ വേണ്ടി പറഞ്ഞതല്ല.. നിന്നെ ഞങ്ങൾക് എല്ലാവർക്കും അറിയില്ലേ.. ഇനി നീ ആണ് ഇത് ചെയ്തത് എന്ന് ഈ ലോകം മുഴുവൻ നിനക്ക് എതിരെ പറഞ്ഞാലും അവന്റെ വീട്ടുകാർ, അവന്റെ പെങ്ങന്മാർ, അല്ലേൽ ഞങ്ങളോ.. ജാബിറോ വിശ്വസിക്കുമോ.. നീ അതൊന്നും ഓർത്തു ടെൻഷനാവേണ്ട…

“എനിക്കറിയാം ഇത് ആരാണ് ചെയ്തത് എന്ന്..”

“ആരെ.. നിനക്ക് ആരേലും സംശയം ഉണ്ടോ..”