ഒന്നും ഉരിയാടാതെ 22 [നൗഫു] 4870

❤❤❤

“മതി.. ഷഫീക്.. നീ കാര്യം പറ..”

 

അവൾ ഇനിയും കേൾക്കാതിരിക്കാൻ ക്ഷമ ഇല്ലാതെ ഷഫീകിനോട് കുറച്ചു ചൂടായി സംസാരിച്ചു..

 

“ടി.. ജാബിറിന്റെ കല്യാണം മുടങ്ങിയത് നീ കാരണം ആണെന്നാണ് ഇവിടെ സംസാരം..”

 

“ഞാൻ കാരണമോ.. അതും ആരാണ് പറയുന്നത്…”

 

നാജി ഒരു ഞെട്ടലോടെ ചോദിച്ചു..

“അതേ. ഇവിടെ ഉള്ളവർ കാര്യം അറിയാൻ പോയിരുന്നു.. അന്നേരം പെണ്ണിന്റെ വീട്ടുകാർ പറഞ്ഞത്..”

 

ഷഫീക് അതും പറഞ്ഞു ഒന്ന് നിർത്തി..

 

“ടാ.. ഷഫീകേ.. നീ ഉള്ളത് പറ.. ഞാൻ എന്ത് ചെയ്തിട്ടാണ് കല്യാണം മുടങ്ങിയത്..”

 

നാജി കുറച്ചു ഉറക്കെ തന്നെ ഷഫീകിനോട് ചോദിച്ചു..

 

❤❤❤

 

അവൾക് വന്ന കാൾ ജാബിറിന്റെ കല്യാണം മുടങ്ങി എന്നുള്ള വാർത്ത തന്നയാണെന്നറിഞ്ഞാപ്പോൾ എന്റെ മനസിൽ സന്തോഷം ആർത്തലച്ചു തിരതല്ലിക്കൊണ്ടിരുന്നു.. എങ്കിലും ഞാൻ ഉള്ളിലെ സന്തോഷം മറച്ചു വെച്ച് അവർ പറയുന്നത് കേൾക്കാൻ മൊബൈലില്‍ കളിക്കുന്നതു പോലെ ഇരുന്നു..

 

❤❤❤

 

നാജി ആ സമയം കുറച്ചു ഉച്ചത്തില്‍ സംസാരിച്ചത് ഞാൻ കേട്ടുവോ എന്ന് നോക്കുവാനായി ഒളിഞ്ഞു നോക്കി.. കൂടെ വാതിലിന്റെ അരികിലേക്കു നടന്നു..

 

പുറത്ത് ഉമ്മയും ഉപ്പയും ഉള്ളത് കൊണ്ട് അവൾ ഉടനെ പോയി വാതിൽ അടിച്ചു കുറ്റിയിട്ടു.. എന്നിട്ട് എന്നെ നോക്കികൊണ്ട് ബെഡിന്റെ കുറച്ചു അരികിലുള്ള ജനലിന്റെ അടുത്തേക്ക് പോയി നിന്നു…