ഒന്നും ഉരിയാടാതെ 22 [നൗഫു] 4856

എന്റെ ഉള്ളിൽ ആ സമയം അവൾക് ജാബിറ്റിന്റെയോ അവന്റെ കൂട്ടുകാരുടെയോ കാൾ ആയിരിക്കണേ വന്നത് എന്നും.. അവന്റെ വിവാഹം ആരോ ഒരാൾ മുടക്കി എന്നുമുള്ള വാർത്ത കേൾക്കണേ എന്നുമുള്ള പ്രാർത്ഥന ആയിരുന്നു…കുറച്ചു മുന്നേ അവൾ ആ കാര്യം അറിഞ്ഞിരുന്നു എന്നുള്ളത് എനിക്ക് അറിയില്ലായിരുന്നു…

ഞാൻ നാജി സംസാരിക്കുന്നത് ചെവിയോർത്തു കൊണ്ട് അവൾ കാണാതിരിക്കാൻ വീണ്ടും മൊബൈലില്‍ കുത്തി ഇരുന്നു…

“ഹലോ…”

“നാജി.. ഞാൻ ഷഫീക് ആണ്…”

“ആ ഷഫീഖ്.. പറ…”

“ടി.. നീ അറിഞ്ഞില്ലേ ജാബിറിന്റെ കാര്യം..”

“ആട.. ഞാൻ കുറച്ചു മുന്നേ അറിഞ്ഞു.. പിന്നെ നീ ഗ്രൂപ്പിലും ഇട്ടിരുന്നുവല്ലോ..”

“ടി.. അത് പറയാൻ തന്നെ ആണ് ഞാൻ വിളിച്ചത്…”

ഷഫീക് മുഖവുരയോടെ നാജിയോട് പറഞ്ഞു.. അവൻ എന്തോ മറച്ചു വെക്കാന്‍ ശ്രമിക്കുന്നത് പോലെ..

“അവന്റെ സംസാരത്തിലെ മാറ്റം അറിഞ്ഞു നാജി അവനോട് ചോദിച്ചു.. എന്താടാ.. മറ്റു വല്ല പ്രശ്നവും,.. നീ എന്നെ ഇങ്ങനെ ടെൻഷൻ ആക്കാതെ വേഗം പറ..”

“അത് നാജി.. ഞാൻ നിന്നോട് എങ്ങനെയാ പറയുക.. നീ കേൾക്കാൻ പോകുന്നത് അത്ര സുഖമുള്ള കാര്യമല്ല.. പിന്നെ ഞാൻ അറിഞ്ഞത് സത്യമാണോ എന്നും അറിയില്ല..”