ഒന്നും ഉരിയാടാതെ 22 [നൗഫു] 4856

“ഇനിയും കാണാൻ ഉണ്ട് നമുക്ക്.. ഇതൊന്നും അല്ല ഇവിടെ ഉള്ളത്.. നമുക്ക് അപ്പുറത്തേക്ക് പോയി നോക്കാം…”

 

അവൾ വീണ്ടും താളത്തിൽ തുഴ എറിഞ്ഞു…

 

കുറെ ഏറെ കിളികളുടെ കലപില ശബ്ദം ആണ് എന്നെ നാജിയിൽ നിന്നും പിറകിലേക് നോക്കുവാനായി പ്രരിപ്പിച്ചത്..സത്യം പറഞ്ഞാൽ ഞാൻ വേറെ ഏതോ ലോകത്തു എത്തി പെട്ടത് പോലെ.. ഇത് വരെ ജീവിതത്തില്‍ കണ്ടിട്ടില്ലാത്ത ഒരുപാട് നിറങ്ങളിൽ പല വലുപ്പത്തിൽ പല തരം ശബ്ദം പുറപ്പെടുവിച്ചു കൊണ്ട് ചിലത് പാറിയും ചിലത് മരചില്ലകളിലും ഇരിക്കുന്നു..

 

“ബാവു അങ്ങോട്ട്‌ നോക്കിയെ..”

 

നാജി കരയിലേക് ചൂണ്ടി എന്നെ അവൾ കണ്ട കാഴ്ച കാണിച്ചു തരാൻ ശ്രമിച്ചു…

 

“അള്ളോ.. എന്താണ് അത്..”

 

“അതോ.. നീ കണ്ടിട്ടില്ലേ..”

 

“ഇല്ല..”

 

നാജിയോട് ഞാൻ പറഞ്ഞു..

 

“എടാ.. അത് മയിൽ ആണ്…”

 

“മയിലോ..”

 

ഞാൻ അവളോട്‌ അത്ഭുതത്തോടെ ചോദിച്ചു..

 

“ആട.. മയിൽ തന്നെ.. നീ ഇത് വരെ കണ്ടത് അല്ലാത്ത വെള്ള കളറുള്ള മയിൽ..”

 

അവ ഞങ്ങളെ കണ്ടത് പോലെ പീലി മുഴുവൻ വിടർത്തി ആടുവാനായി തുടങ്ങി… മൂന്നു ആൺ മയിലുകളും കൂടെ അതിന്റെ ഇണകളും ഉണ്ട്.. അവയെല്ലാം ഓരോ ജോഡി ആയി വിട്ടു വിട്ടാണ് നിൽക്കുന്നത്.. അവയുടെ നിർത്തം മറ്റെല്ലാം മറന്നു ഞാൻ ആസ്വദിച്ചു കൊണ്ട് നോക്കി ഇരുന്നു…