ഒന്നും ഉരിയാടാതെ 22 [നൗഫു] 4856

ക്ട്ക….

റൂമിലേക്കു ആരോ കയറിയത് വാതിൽ തുറക്കുന്ന ശബ്ദത്തില്‍ നിന്ന് തന്നെ എനിക്ക് മനസ്സിലായി… നാജിയാണ്.. ഞാൻ അവളെ ശ്രദ്ധിക്കാതെ മൊബൈൽ പിടിച്ചു മേലോട്ട് വിരലുകള്‍ ചലിപ്പിച്ചു കൊണ്ടിരുന്നു..

“ബാവൂ..”

നാജിയുടെ മധുരമുള്ള ശബ്ദം എന്റെ ചെവിയിലേക്ക് കയറിയപ്പോള്‍ ഞാൻ അവളെ നോക്കിയെങ്കിലും അധികം മൈൻഡ് ചെയ്യാതെ വീണ്ടും മൊബൈലിലേക് തന്നെ നോക്കി കിടന്നു..

“ടാ.. എന്താ രാവിലെ തന്നെ ഒരു പോസ്… ഇന്നെന്നെ ഒന്ന് ഉണർത്താതെ പോയി.. അത് കഴിഞ്ഞു വന്നിട്ടും എന്താ ഒരു ബലം പിടുത്തം..”

നാജി എന്നോട് സംസാരിക്കുവാനായി തുടങ്ങി..

ഇന്നലെ രാത്രിയിൽ അവസാനം നാജി പറഞ്ഞ വാക്കുകൾ എന്റെയുള്ളില്‍ നീറി പുകയുന്നത് കൊണ്ട് ആ സംസാരത്തിനു ചെവി കൊടുക്കാതെ ഞാൻ ഇരുന്നു…

എന്താടാ കുരങ്ങേ ഞാൻ നിന്നെ ചെയ്തതെന്നും ചോദിച്ചു കൊണ്ട് നാജി എന്റെ അരികിലേക് ചീറി അടുക്കുന്ന സമയമാണ് അവളുടെ മൊബൈൽ ശബ്തിച്ചു തുടങ്ങിയത് ….. അവൾ എന്റെ അടുത്തേക്ക് നടന്നു വരുന്നത് നിർത്തി മൊബൈലിന്റെ ശബ്‌‌ദം കേട്ടു അവിടേക്കു നടന്നു..