ഒന്നും ഉരിയാടാതെ 22 [നൗഫു] 4856

അടങ്ങി ഇരുന്നോ അല്ലേൽ ഞാൻ മോനെ ഈ തോണിയിൽ നിന്ന് തന്നെ കുളിപ്പിക്കുമെന്ന് പറഞ്ഞു നാജി മുന്നോട്ട് തുഴഞ്ഞു…

ഒരു വശത്ത് മനോഹരമായ പൂന്തോട്ടം ആയിരുന്നുവെങ്കിൽ നേരെ എതിർ വശത്തു മനോഹരമായ പുൽമേടോടു കൂടിയ മലഞ്ചെരിവ്… അതിന്റെ അടുത്തേക്ക് ആണ് നാജി തുഴ എറിയുന്നത്…

അവിടെ കുറച്ചു മാൻ കൂട്ടം വെള്ളം കുടിക്കുവാനായി വന്നിട്ടുണ്ട്.. കുറച്ചു മാറി പുഴയിൽ അരയന്നങ്ങളെ കാണുന്നു.. അവ തമ്മിൽ തമ്മിൽ കൊക്കുരുമ്മി കൊണ്ട് പ്രണയ സല്ലാഭത്തിൽ ആണെന്ന് തോന്നുന്നു..അത് ഞാൻ നാജിയെ വിളിച്ചു കാണിച്ചു കുറച്ചു പ്രേമ ഭാവത്തോടെ..

“പോടാ..”

പല്ല് കൊണ്ട് ചുണ്ടിൽ കടിച്ചു പോടാ എന്നുള്ള ഒരു വിളി ആയിരുന്നു അതിനുള്ള മറുപടി…

ആനയുടെ ചിഹ്നം വിളി കേട്ടു തിരിഞ്ഞു നോക്കിയ സമയം ആണ് അത് കണ്ടത്.. എന്റെ തൊട്ട് പിറകിൽ കരയിലായി കുറച്ചു ആനകൾ വന്നു വെള്ളം കുടിക്കുന്നു. ഇടയ്ക്കിടെ തുമ്പി കയ്യിൽ എടുക്കുന്ന വെള്ളം അവ ശരീരത്തിലൂടെ ഒഴിക്കുന്നുണ്ട്…

“എങ്ങനെ ഉണ്ട്..”

നാജി എന്നോട് ചോദിച്ചു

“അടിപൊളി..”

ഞാൻ എന്റെ മനസ് തുറന്നു അവളോട്‌ പറഞ്ഞു..