ഒന്നും ഉരിയാടാതെ 22 [നൗഫു] 4856

നാജി അവൻ പറഞ്ഞത് വിശ്വസം വരാത്തത് പോലെ ഷഫീക്കിനോട് പറഞ്ഞു..

“എടി.. നിന്നെ ബോധിപ്പിക്കാനൊന്നും എനിക്ക് അറിയില്ല.. നീ എന്റെ ആരും അല്ലാത്തത് കൊണ്ട് നിന്നെ പറഞ്ഞു മനസിലാക്കേണ്ട കാര്യവും എനിക്ക് ഇല്ല.. നീ വേണേൽ വിശ്വസിച്ചാൽ മതി..”

ഷഫീക് കുറച്ചു ദേഷ്യത്തോടെ നാജിയോട് പറഞ്ഞു..

“നീ ചൂടാവല്ലേ.. ഞാൻ ഒരു തമാശ പറഞ്ഞതല്ലേ.. ഏതായാലും നീ ആദ്യം വിളിച്ചപ്പോൾ ഉള്ള ടെൻഷൻ മാറി എനിക്ക്.. നീ ഈ കാര്യം മുഴുവനായി പറഞ്ഞില്ലേൽ ഞാൻ ഉരുകി തീർന്നേനെ… അതിന് നിനക്ക് സ്പെഷ്യല്‍ താങ്ക്സ്..”

“താങ്ക്സ് മാത്രേ ഉള്ളു..”

നാജിയെ ചൂട് പിടിപ്പിക്കാൻ ആയി. അവൻ വീണ്ടും കൊളുത്തി കൊണ്ട് പറഞ്ഞു..

“പോടാ. ഞാൻ എന്റെ ചെക്കനെ വെറുതെ സംശയിച്ചു..”

നാജി ബാവു കിടക്കുന്ന സ്ഥലത്തേക്ക് നോക്കി കൊണ്ട് പറഞ്ഞു..

“ആരെടി..”

ആരെയാണ് നാജി ഉദ്ദേശിച്ചത് എന്നറിയാതെ ഷഫീക് ചോദിച്ചു..

“എന്റെ കെട്ടിയോനെ തന്നെ. അവനു ഇതിൽ വല്ല പങ്കും ഉണ്ടോ എന്ന് ഞാൻ ഭയന്നിരുന്നു..”

“ഹേയ് ഇത് അവനൊന്നും അല്ല.. ഇത് ജാബിർ ചതിച്ച ഏതോ പെൺകുട്ടിയാണ്.. ഇനി എങ്കിലും അവൻ നന്നാവുമോ എന്ന് നോക്കാം..”