ഒന്നും ഉരിയാടാതെ 22 [നൗഫു] 4856

“എടി.. ഇനി നിന്നോട് ഒന്നും മറച്ചു വെക്കുന്നില്ല.. അവന്റെ മാമന്മാർ വരുന്ന വഴി ഒരു തീരുമാനം എടുത്തിരുന്നു.. അവരുടെ കുട്ടി മോശക്കാരൻ ആണെന്ന് ആരും അറിയരുത് എന്നും അതിനായ് ഈ വീഡിയോയുടെ കാര്യം ആരും അറിയാൻ പാടില്ല എന്നും.. അത് കൊണ്ട് അവന്റെ ഉപ്പയോടോ വീട്ടിലുള്ള മാറ്റാരോടുമോ അവർ ഇക്കാര്യം പറഞ്ഞിട്ടില്ല.. നിന്റെ കാര്യം മാത്രം പറഞ്ഞു..”

“എന്നിട്ട്..”

“എടി നിന്റെ കല്യാണം കഴിഞ്ഞതല്ലെ അത് കൊണ്ട് ഇങ്ങനെ ഒരു വിഷയം നിയോ നിന്റെ ബന്ധുക്കളോ, അല്ലേൽ നാട്ടുകാരോ അറിഞ്ഞാലും വല്യ സംഭവം ആകില്ലന്ന് അവർക്കറിയാം.. പിന്നെ.. ഈ വീഡിയോ കാര്യം ആരും അറിയുകയും ഇല്ല..”

“ഹ്മ്മ്..”

നാജി ഒരു മൂളലിൽ അവളുടെ മറുപടി ഒതുക്കി..

“അല്ല.. എങ്ങനെ അവർക്ക് ഈ വീഡിയോ കിട്ടി.. അതിനെ കുറിച്ച് വല്ലതും അറിഞ്ഞോ..”

“അത് എനിക്ക് അറിയാം.. പക്ഷെ ഞാൻ ആരോടും പറഞ്ഞിട്ടില്ല..”

ഷഫീക് നാജിയോട് പറഞ്ഞു..

“എങ്ങനെ നിനക്ക് അറിയാമെന്ന്..”

നാജി വീണ്ടും ചോദിച്ചു…

“അത്.. ഞാൻ പറഞ്ഞില്ലേ.. അങ്ങോട്ട് പോകുമ്പോൾ ഇടക്ക് ഞങ്ങൾ കൂട്ടുകാർ കൂടി സൊറ പറഞ്ഞു ഇരിക്കാന്‍ പോവാറുണ്ടെന്ന്..”