ഒന്നും ഉരിയാടാതെ 22 [നൗഫു] 4856

“അവന്റെ പെണ്ണിന്റെ വീട്ടിൽ അവൻ കുറെ പെൺകുട്ടികളുമായി പോകുന്ന വീഡിയോയുടെ പെൻഡ്രൈവ് കൂടെ കൊടുത്തിട്ടുണ്ട്…”

“പെൻ ഡ്രൈവോ..”

“അതേടി.. രാവിലെ അവിടെ പോയവൾ തന്നെ ആണ് അവിടെ അതും ഏൽപ്പിച്ചത്.. സത്യം പറഞ്ഞാൽ നിന്റെ അടുത്തുള്ള വിഷയത്തെക്കാൾ കൂടുതൽ വിഷയം ആയതു അതാണ്..”

“അള്ളോ.. നമ്മളെ ജാബിറോ.. ഇജ്ജ് പൊള്ളു പറയുക അല്ലല്ലോ.. എന്നെ സമാധാനപ്പെടുത്താൻ..”

“അല്ലടി.. ഈ കാര്യം നിന്നോട് പറയാൻ ഞാൻ വിചാരിച്ചിരുന്നില്ല.. പിന്നെ നിനക്ക് ഒരു കുറ്റബോധം വേണ്ടെന്ന് കരുതിയിട്ടു പറഞ്ഞതാണ്.. മാത്രവുമല്ല… ഇത് മറ്റാർക്കും അറിയില്ല.. ഞങ്ങളുടെ കൂടെ വന്നവർക്കും പിന്നെ ജാബിറിനും ഇപ്പോ നിനക്കും മാത്രം അറിയാം.. ഇത് ആരോടും പറയണ്ട എന്ന് അവർ തന്നെ പറഞ്ഞിരുന്നു..”

“എടാ.. ഞാൻ എന്താണ് കേൾക്കുന്നത്.. നമ്മുടെ ജാബിർ.. ഞാൻ വിശ്വസിക്കില്ല..”

“ഞാനും വിശ്വസിച്ചിരുന്നില്ല.. പക്ഷെ പെൺകുട്ടിയുടെ ഇക്കാക്ക മൊബൈലിലേക് ആക്കിയ ഒരു കോപ്പി കാണിച്ചു തന്നു… അതും അവന്റെ ഒരു സ്ഥലം ഉണ്ട് നമ്മുടെ പുഴക്കരയിൽ.. അവിടെ ഇടക്ക് ഞങ്ങൾ കൂട്ടുകാർ കൂടാറുണ്ട്. അതിനായി പുഴയുടെ അരികിൽ തന്നെ ഒരു ഹട്ട് കെട്ടിയിട്ടുണ്ട്… കുറച്ചു ഇരിക്കാനും കിടക്കാനുമുള്ള സെറ്റപ്പൊക്കെ അവിടെ ചെയ്തിട്ടുണ്ട്…”