ഒന്നും ഉരിയാടാതെ 22 [നൗഫു] 4856

“എടി.. ഞാൻ പറയാം.. നീ ശ്രദ്ധിച്ചു കേൾക്കണം…”

“ഹ്മ്മ്..”

നാജി ഒന്ന് മൂളി കൊണ്ട് അവൻ എന്താണ് പറയാൻ പോകുന്നത് എന്ന് കേട്ടു കൊണ്ട് നിന്നു..

“അവനു പല ചുറ്റിക്കളികളും ഉണ്ടായിരുന്നു..”

ഷഫീക് ഒരു തുടക്കം പോലെ പറഞ്ഞു വെച്ചു..

“നീ ആളെ ചൂടാക്കാതെ കാര്യം എന്താണെന്നു പറ.. ഷഫീക്..”

“അതല്ലടി.. എനിക്ക് നിന്നോട് പറയാൻ ഒരു വിഷമം പോലെ, നീയും അവനുമൊക്കെ അങ്ങനെ നിൽക്കുന്നവർ അല്ലെ..”

“അതൊന്നും നീ കാര്യമാക്കണ്ട.. ഇപ്പോ തന്നെ മനുഷ്യന്റെ തൊലി ഉരിഞ്ഞു പോയിട്ടുണ്ട്.. കഴിഞ്ഞ ആഴ്ച ഇതേ പോലെ ഞാനും കുറച്ചു അനുഭവിച്ചു.. അന്നത്തോടെ എല്ലാം അവസാനിച്ചു എന്ന് കരുതിയത് ആയിരുന്നു.. ഇന്നോ.. അതിലും വലുതാണ് കേട്ടത്. ഇനി ഏതായാലും ഞാൻ കേൾക്കാൻ തയ്യാറാണ് നീ പറഞ്ഞോ..”

നാജി ഷഫീഖിനോടായി പറഞ്ഞു അവൻ പറയാൻ പോകുന്ന കാര്യം കേൾക്കാൻ ചെവി ഓർത്തു നിന്നു..

“അവനെ… കുറെ പെൺകുട്ടികളുമായി ചില ബന്ധങ്ങളൊക്കെ ഉണ്ടായിരുന്നു…”

“എന്ന് വെച്ചാൽ..”

“എടി അത് തന്നെ.. നിനക്ക് മനസിലായില്ലേ.. നീ ഒന്നുമല്ലേൽ ഒരു ഡോക്ടര്‍ അല്ലെ..”

“ഹ്മ്മ്.. ഇപ്പോ മനസിലായി.. എന്നിട്ട്..”