ഒന്നും ഉരിയാടാതെ 20 [നൗഫു] 4353

“എങ്ങനെ ഉണ്ടെടി ആൾ..”

 

“ഒന്ന് പോ ഇത്ത..”

 

“ടി.. അതല്ല.. നമ്മുടെ ബാവുവുമായി നീ പൊരുത്തപെട്ടോ…”

 

“ആ.. എനിക്കറിയില്ല..”

 

തന്റെ ഉള്ളിലെ ഇഷ്ടം മറച്ചു വെച്ച് നാജി ഹുസ്നയോട് പറഞ്ഞു…

 

“എന്നാൽ.. നമുക്ക് വൈകുന്നേരം ഒപ്പം വരാം അല്ലെ എന്റെ വീട്ടിലേക്ക്..”

 

അള്ളോ.. ഇന്ന് അളിയനും ഇത്തയും വീട്ടിലേക്ക് വരാൻ പറഞ്ഞിട്ടുണ്ട് അല്ലെ.. ഞാൻ അത് മറന്നു പോയിരുന്നു.. മനസിൽ അപ്പോഴാണ് ആ കാര്യം ഓർമ്മ വന്നത്..

 

“ആ… ഇത്ത.. അങ്ങനെ ചെയ്യാം.. ഉപ്പിയും ഉമ്മിയും..”

 

“അവർ രാവിലെ വന്നു.. മക്കളുടെ കൂടെ ഉണ്ട്.. അവർ ഉള്ളത് കൊണ്ട് കല്യാണത്തിന് ഞാൻ മാത്രം വന്നാൽ മതിയല്ലോ.. അല്ല.. നീ വീട്ടിലേക്ക് വിളിക്കാറില്ല എന്ന് കേട്ടു.. നിനക്ക് ഇപ്പോഴും ഉപ്പയോട് ദേഷ്യമുണ്ടോ നാജി..”

 

“ഇല്ല ഇത്ത.. ഓരോ തിരക്കിൽ പെട്ട് വിളിക്കാന്‍ പറ്റിയില്ല.. പിന്നെ.. മിനിയാന്ന് എന്റെ ‌ഡേറ്റായി.. ഇത്താക്ക് അറിയാമല്ലോ എന്റെ ആ സമയത്തെ അവസ്ഥ..”

 

“എന്നിട്ട്…”