ഒന്നും ഉരിയാടാതെ 2 [നൗഫു] 4775

കട്ടിൽ കിടന്നു അങ്ങോട്ടുമിങ്ങോട്ടും ഉരുണ്ടു മറിഞ്ഞു കൊണ്ട് ഉനൈസ് ആലോചിച്ചു കൂട്ടുവാനായി തുടങ്ങി…

എന്നാലും നാജിയയെ.. അതും ഞാൻ ഇത്താത്തയെ പോലെ കാണുന്നവൾ.. കുടുംബത്തിൽ ഓളെക്കാൾ പഠിക്കുന്നവൾ ആരുമില്ല… ഒരു കല്യാണത്തിനോ, സൽക്കാരത്തിനോ പോകാതെ വീട്ടിൽ വിരുന്ന്കാർ വന്നാൽ പോലും പുറത്തേക് ഇറങ്ങാതെ വായനയും എഴുത്തുമായി നടക്കുന്നവൾ..

പഠിച്ചു പഠിച്ചു സാധാരണ നമ്മളൊക്കെ കാണാറില്ലേ കണ്ണിൽ വട്ട കണ്ണട യൊക്കെ വെച്ച്, ആ.. അത് പോലെ തന്നെ.. അങ്ങനെ ആയിരുന്നു അവൾ… എന്നാലും കാണാൻ നല്ല മൊഞ്ചാണ്…

അവൾ ഇത് വരെ ആരുടെ എങ്കിലും വലയിൽ വീണിട്ടുണ്ടോ, അറിയില്ല… ഹേയ് അങ്ങനെ ഉള്ളവളൊന്നും അല്ല… അവളെ കെട്ടാൻ പോകുന്നത് നാട്ടിൽ അറിയപ്പെടുന്ന ഒരു വ്യവസായി യുടെ മകൻ ആയിരുന്നു.. പേര് നിഷാദ്..

നിഷാദ്, ഒരു പാട് ബിസ്സിനെസ്സ് സംരഭങ്ങളുമായി നടക്കുന്നു… നല്ല ഒരു ഫുട്ബോൾ പ്ലെയറും ആണ്.. ആളെ നമ്പർ കയ്യിലുണ്ട് ഒന്നു വിളിച്ചു നോക്കിയാലോ.. അല്ലേൽ വേണ്ട.. ഇനി അത് വിളിച്ചു നോക്കിയിട്ട് ഇപോ കേട്ട പേരുദോഷം മാറില്ല.. വരുന്നോടുത്തു വെച്ച് കാണാം..

കാര്യം ഇങ്ങനെ ആണെങ്കിലും അവളെ ഞാൻ കെട്ടണമെന്ന തീരുമാനം കാരണവന്മാർ എടുക്കുമെന്നുള്ള കാര്യം സ്വപ്നത്തിൽ പോലും കരുതിയിരുന്നില്ല…

വീട്ടിലേക് മാമൻ കയറി വന്നത് തന്നെ എന്നെ കൊല്ലാനുള്ള ദേഷ്യവുമായി ആയിരുന്നു… അവസാനം ഉപ്പ വരേണ്ടിവന്നു ഒന്നു പിടിച്ചു മാറ്റാൻ..